Page 14 - AWEMAINTA

14 AWEMainta Diamars, 12 Juni 2018

Auto a bolter riba Green Corridor

DIADOMINGO mainta pa mas o menos 6:15
polis a ser informa, cu un auto a bolter altura di
rotonde Sero di Teishi.
Patruya di Santa Cruz na yegada berdad a
constata un Toyota Yaris, ariba su dak banda
drechi di caminda.
Nan a papia cu e chauffeur, cu a sali ileso di e
accidente.
Polis a puntr’e si e tawara desea pa nan a pidi pa
ambulance, pero el a bisa nan cu e ta ok.
Segun nos a compronde di e chauffeur, el a caba
di traha y tawata bayendo su cas.
Dado momento door di cansancio el a pega soña,
y a bay na su man robes dal contra un palo di luz,
kibrando esaki. Pa despues e auto bolter y bay
termina banda pazuid di caminda.
Na yegada di patruya, companianan di seguro ya
tawata na e sitio. Elmar a wordo avisa y nan lo
tawata na caminda.