Page 7 - BRANDWEER

Chauffeur ta dal cu Tercel Den banki di Caya Grandi na San
Nicolas y keda pega

Sunday, 23 October 2016 08:58
Comparti

Un chauffeur di un Tercel a keda pega den e auto despues di core pasa den Caya Grandi
di San Nicolas y dal den e banki pa hende sinta net prome cu e rotonde.
E Tercel aki tabata core malo y Polis tabata su tras algun minuut prome. El chauffeur
un tiki mas pabou a dal den un autobus. Djey el a drenta Caya Grandi di San Nicolas y
Polis su tras. E chauffeur tabata mustra hopi bebi. El a d‎al den e banki y e impacto
tabata net den banda di pasahero. E banki mes no a haya danjo. Mesora a pidi pa
ambulance y ekipo di rescate ora cu e auto a dal. E chauffeur tabata grita di dolor na su
pianan pero claramente e alcohol den curpa tabata bastante. Despues di basta rato e
personal di Cuerpo di Bombero , logra saca e victima for di e Tercel. Nan a cuminsa
reanima e victima den ambulance mes y djey a sali cune pa Hospital. E tabata na tino.
Takelwagen a wordo pidi pa move e Tercel for di caminda. Djey a bay cune warda di
Balashi. E chaufeur di B-13 a bin tambe unda e Tercel a dal y atende cu Polis pasobra su
auto a haya cierto daño leve. E momento ey tabata tin basta hende riba caminda
pasobra net e actividad pa pueblo a termina.