Page 9 - RDA

4 Djaweps 15 Febrüari 2018
Ya den e dos promé
lunanan
Refineria di
Kòrsou ta dal

paso konkreto

pa modernisá
refineria

I garantisá su
operashon
WILLEMSTAD.- Refiner ia
di Kòrsou (RdK), den korto
tempu, a dal algun paso
importante den kuadro
di modernisashon di nos
refineria i búskeda di un
partner sólido, ku kapasidat
i konosementu pa realisá e
desaroyo importante aki na
bienestar di nos refineria.
Miéntras RdK ta hasiendo
lo máksimo pa pèrkurá
ku e refineria ta keda den
operashon, te na momento
ku e kontrato aktual ku
PDVSA terminá na fin di
2019.
RdK resientemente
a saka e “Request for
Proposal” pa por atkerí
servisio di un eksperto ku
konosementu i eksperensia
riba tereno di refinashon
pa asistí den e búskeda di
kandidatonan potensial pa
operá i manehá nos refineria
despues di 31 di desèmber
2019. Ta spera ku mas
tardá pa aprel lo por a hasi
un eskoho di e kompania ku
lo mester asesorá RdK den
e búskeda spesialisá aki. E
kòmbersashonnan entre e
komishon tékniko miksto
di ekspertonan di RdK i
PDVSA tambe ta kanando
fruktífero. RdK entretantu
ta tumando e pasonan
nesesario pa garantisá
ku e refineria ta keda
operashonal te na momento
ku e kontrato aktual ku
PDVSA vense. RdK lo sigui
suministrá komunidat ku
informashon verídiko na
momento ku esaki ta di
importansia pa komunidat
tuma nota di dje.
RdK ta informá mas aleu
di akshonnan konkreto
pa garantisá operashon
di refineria. Den e último
lunanan vários partido a
presentá nan mes na RdK
demonstrando interes pa
drenta den un asina yama
“processing deal” ku lo
mester garantisá operashon
di nos refineria den e
periodo di 2018 i 2019. RdK
lo tuma pasonan konkreto
pa pèrkurá ku nos refineria

Sigui lesa pagina 42