Page 8 - HOH

www.awemainta.com www.facebook.com/awemainta noticia@awemainta.com 583-1400 DIARAZON 14 JULI 2021

Pa reduci gasto den cuido medico

TA PROPONE PA NENGA

AYUDO NA HENDENAN GRANDI

UN momento historico sin duda algun, ora cu a bira
conoci contenido di un raport pa loke ta reduccion
di gastonan medico, ora cu a “sugeri” pa no duna
tratamento na hendenan grandi cu no tin mucho
tempo pa biba mas.
Un sugerencia cu ta sumamente espantoso,
pero tambe inhumano ya cu tur ser humano, tur
ciudadano di e pais aki, tin of tabatin e derecho di
ricibi un cuido medico ora cu e tin mester di esaki,
pero awor pa scapa placa, lo ta sugeri pa hendenan
di edad avansa, cu lo no tin mucho tempo pa biba, lo
wordo nenga e tipo di tratamento cu nan tin mester
ya cu mester baha gasto den cuido medico.

E plan traha cu ta carga e nomber di “Zorg voor onze
zorg” a cay manera un bom den comunidad, ya cu
e solo hecho caminda ta sugeri cu hendenan grandi
cu ta hopi debil y no tin mucho chens pa biba mas largo, lo no wordo
yuda!!
Kende lo t’e dokter cu tin e poder aki pa dicidi kende por biba
mas largo y kende no por biba mas tempo y lo no wordo yuda y
consecuentemente e grandinan aki lo sufri y muri finalmente.
E punto aki den e raport ta simplemente algo sumamente delicado,
sumamente inhumano y cu no a cay den bon tera den pueblo, ya cu
no por ta posibel c’un medico cu a studia pa salba bida di hende, no ta
mira bida den un hende mayor di edad ya cu no ta keda n’e medico aki
pa dicidi si un hende ta haya ayudo medico of no pa alarga of no su
bida.
Anto mihor bin cu ley di eutanacia!!!