Page 17 - FDLP
P. 17
Esaki segun Leysner, kende a sigui bisa cu e aña aki diferente partner a uni nan mes cu
Fundacion Movimiento ta Bida, pa celebra e Dia Mundial di Actividad Fisico.
E aña aki e lema ta: ‘Cada Stap ta Conta pa bo Salud’.
iBISA ta forma parti di esaki y durante e conferencia di prensa Edgar Erasmus, Hoofd
Sport en Beweging di iBISA a indica cu sigur den e ultimo añanan iBISA a yuda stimula
y promove mas hende pa move, mirando e problemanan grandi cu tin mundialmente.
“Pa e aña aki cada stap ta conta y pesey pa iBISA nos tin planea pa haci actividadnan
den diferente distrito”.
“Cuminzando dia 30 di Maart nos kier cuminza stimula y motiva hendenan pa move”.
“Pa e motibo ey for di 30 di Maart te cu 3 di April nos ta bay tene actividadnan den tur
distrito”, segun Erasmus.
El a sigui bisa cu dia 30 di Maart ta cuminza na Sport Centrum San Nicolas y tur e
actividadnan aki ta bay ta bao di guia di un instructor deportivo cu ta bay duna e parti
di movecion na e hendenan cu presenta e dia ey na e lugarnan.
Dia 31 di Maart lo pasa Jara Complex, prome di April ta bay ta Centro Deportivo Betico
Croes, dia 2 di April ta bay ta na Jaburibari y dia 3 di April ta bay ta na Centro
Deportivo Frans Figaroa.
E actividadnan ta inclui entrenamento di circuito, Beweging op Muziek (Bommen) y otro
actividadnan incluyendo un caminata.
“Nos ta bay ofrece un variacion di actividad fisico y nos sigur kier stimula hendenan pa
bin participa”, segun Erasmus, kende a indica cu via Facebook lo sigui promove e
actividadnan aki y brinda mas informacion.
https://www.diario.aw/2020/03/movimiento-pa-bida-y-ibisa-cu-actividadnan-relaciona-cu-dia-mundial-
di-actividad-fisico/
