Page 20 - FUNDASHON LOTTO PA DEPORTE
P. 20
Dentro di poko lo jama reunion cu atletanan tanto di pre selecion femenino y masculino
kendenan lo inicia cu nan preparacion pa compromisonan internacional den 2018. Tin un
Plan 2018 hopi pisa unda lo percura pa desaroya softball riba tur nivel. Den cuadro di
esaki ASB ta tresiendo un instructor di umpire pa duna un clinica na tur umpiresnan cu ta
interesa. Debi cu durante ultimo Congreso Mundial na Botswana Africa miembronan a
aproba diferente cambio den reglamento a bira sumamente importante pa trese un
instructor pa actualisa nos umpiresnan lokal.
Tambe ASB ta hasi un apelacion na managers y coaches di tur teamnan miembro di ASB
pa por acudi na e secionnan aki. Esaki lo duna nos managers y coaching staff mas
conosemento y por traspasa e conosemento aki na hungadornan y asina evita discusion
riba aspectonan cu no mester. Hunto nos lo lo hiba deporte di softball pa un otro nivel. Pa
mas informacion alrespecto e clinica di umpires por tuma contacto libremente cu
miembro di bestuur di ASB Estefano Croes na 5949894 of coordinador di umpire
Zuleyka Willems na 5932721.
