Page 42 - HOH

Departamento di Salud Publico • Caya Ing. R.H Lacle # 4 • Oranjestad, Aruba • Tel: 522-4200

__________________________________________________

Relato di Prensa 2020

Relaciona cu e crisis di Corona Virus COVID-19
Gobierno di Aruba a tuma e siguiente desicionnan.

ORANJESTAD, Aruba –16 maart 2020:

 Entrante 17 di maart 12:00 am te cu 31 di maart 12:00 am frontera di Aruba lo wordo cera
cu excepcion pa residentente. Residentenan cu regresa Aruba desde dia 17 di maart lo
mester bay den cuarentena propio pa 2 siman.

 Residente cu confronta problema den exterior pa regresa Aruba por tuma contacto cu
5696897 pa asistencia.

 Entrante 17 di maart ta aplica orario di ciere pa tur localidad na Aruba. Orario di ciere lo
ta 10:00 pm
 Tur actividad publico, sociaal, cultural, deportivo y tambe priva cu tin permiso di Polis.
Entrante 15 di maart te cu 31 maart ta keda cansela. Esaki ta inclui eventonan di dia 18 di
maart.

 Scol, cresh, traimerdia y tur instancia cu ta encarga cu educacion y cuido di nos
muchanan ta cera for di dia 16 te cu 20 di maart por lo pronto. Dependiendo di e
desaroyonan riba nos pais lo evalua con ta sigui.

 Ta prohibi haci bishita na casnan di cuido di nos grandinan.
 Departamentonan di Gobierno lo traha a base di cantidad di personal minimo. Lo duna
servicio a base di cita mas tanto posibel via telefon y email, caminda cu mester duna
servicio na publico mester evita aglomeracion.

Como Gobierno nos ta pidi pueblo colaboracion y comprension cu e desicionnan tuma. E
desicionnan aki no ta facil pero si nesesario pa proteha salud di nos comunidad. Nos mester
actua awor pa contene y preveni cu e virus ta plama.

Si bo persona ta malo cu keintura, tos y/of problema pa hala rosea y a bin di biahe for di un
pais cu casonan registra of tawata den contacto cu un persona cu Corona Virus yama 280-
0101 pa instruccion.

Lucha contra e transmicion di Corona Virus, e ta cuminsa na ABO.