Page 58 - HOH

Sin duda e grupo cu mas ta wordo afecta den e situacion aki, ta personanan cu na un
forma directo of indirecto ta traha cu cuido medico pasobra COVID-19 ta na prome luga
un problema di salud.

Ta conoci cu problemanan di salud ta uno di e preocupacionnan mas grandi di hende,
cu di otro banda tambe mester preveni. For di momento cu un persona tin e prome
pensamento cu e por tin e enfermedad, of cualkier enfermedad cu ta pega, e tin e
deber enfrente su compatriota di separa su mes mas tanto posibel.

Na e momentonan aki, cuido medico mester carga un responsabilidad enorme. E mes
cantidad di persona cu te cu fin di siman pasa, tabata encarga cu rutina diario, awor
mester amplia nan actividad den un panico mundial y un situacion extraordinario.

Personal di cuido medico, medico, boticario, enfermero, assistent di medico, personal di
ambulance, di radiografia, etc. ta na careda mientras mester preveni pa mas hende
haya e enfermedad.

Mester evita cantidad di hende na oficina cera di dokter. Mester atende emergencia y
mester tin e mente trankil pa por husga den cada caso kico ta preferencia.

Awe un siman importante cu ta exigi pa hende comprende otro como hende, ta
cuminsa.

Nos tur mester duna di nos parti pa por sali for di e situacion sumamente dificil y

exigente cu nos ta aden.

Na prome luga mester di responsabilidad. No bay expone na riesgo y tene cuenta cu e
medidanan cu cada hende mester tuma y na tur cas y luga na Aruba mester ta valido.

Na segundo luga mester comprende cu awor dokternan, instancianan medico y nan
personal mester duna prioridad na urgencia. Si no ta urgente pa bay laboratorio,
comprende cu mester warda. Pidi recept na telefon y duna oportunidad pa traha recept.

Comprende cu Botica tambe ta na careda.

Comprende cu tur hende ta hende y tur ta comparti mes miedo basicamente.