Page 75 - HOH

Uzo di mondmask ta duna un seguridad falso

ORANJESTAD (AAN): Segun Jurette Croes di Departamento di Salud y Miembro di e
Crisis Team pa loke ta e situacion di Coronavirus, tin control tumando lugar na airport.

Aworaki tur pasahero cu ta bin di paisnan cu no tin restriccion tur ta wordo controla.

Banda di esaki el a bisa cu e trahadornan di WEB NV tur ta den cuarentena y e resto di

personanan cu tabata den contacto cu e personanan infecta tur tambe ta den
cuarentena.

Croes a laga sa cu tin un aumento hopi drastico den e yamadanan na e hotline (280-

0101). Pesey kier pidi comprension pa cu esaki ya cu ta hayando hopi yamada,

Si yama y no ta haya un contesta por yama tambe docter di cas of keda purba yama un
biaha mas na e hotline, a subraya.

Uzo di mask y handschoen

Jurette Croes a mustra tambe ariba e uzo di mondmask y handschoen. El a señala e

pakico no ta recomenda pa uza mondmask.

For di fuentenan fidedigno internacional, si abo ta un persona sano, e mondmask no ta
proteha bo pasobra e virus ta drenta atraves di nanishi, wowo y boca. Si bo ta cana cu

e mondmask henter dia bisti y bo ta sinti bo safe di e manera aki y bo ta bay come sin
laba bo man of bo ta bay grawata bo nanishi of bo wowo sin laba bo man, apesar cu bo
a cana cu bo mondmask henter dia bo ta bay haya e virus tog, Croes a manifesta.

E mondmask ta duna un seguridad falso y no ta yuda en realidad. Pesey ta asina
importante pa laba man concientemente y no automatiza.

Pa loke ta handschoen tambe ta duna un sentido di proteccion. Pero ta cana y ta mishi

tur caminda. “Bo ta pensa bo man ta safe. Pero en realidad si e handschoen mishi otro
partinan di bo curpa, entre otro bo wowo cu nanishi y hopi biaha bo ta mishi cu nan bo
ta bay haya e virus di tur manera”.