Page 34 - HOSPITAAL

crea ningun tipo di problema. Tin otro alternativa, ta e estudio cu e grupo di maneho di

sushi ta trahando riba dje. E aporte cu PAHO a duna ta hopi importante. A tene reunion

cu varios instancia, incluyendo hospital, cuminsando con nan por maneha e produccion di

sushi peligroso, den un forma cu no ta genera un peliger pa comunidad di medio

ambiente en general.

MANEHO DI SUSHI RESPONSABEL

Tin un termino, na nivel mundial cu ta bisa cu e hende cu ta genera sushi, mester paga.
Mester haci’e diferente tipo di opcion. Reduccion di sushi, e parti di tratamento y tur e

parti aki, pero mester ta sostenibel. No ta haci nada cu crea un sistema cu por dura un aña

y no por continua cun’e. Ta un responsabilidad di nos tur, no solamente di Gobierno.

Tambe di comunidad, di industria, di parti comercial. Tur mester aporta algo pa bira

sostenibel. Si no, nos lo bay keda cu e mesun problema. Tin cu corda, Aruba ta chikito.

Nos mester dispone di un manera eficiente, no contaminante cu no ta crea un problema na

nos medio ambiente y salud, cu e parti di sushi cu tambe ta un problema actualmente.

MENTALIDAD ROBES

E mentalidad di no paga pa piki sushi ta un mentalidad robes. Segun dr. Salazar, si e ta

cumpra sushi, e mester paga pe, pa un disposicion adecua y final. Esaki ta evita e

contaminacion di medio ambiente y e consecuencia cu por tin cun’e. Tin cu corda

contaminacion sea den laira, lama, ta produci malesa cu hopi biaha ta laat pa nos por

atende. Ta papiando di cancer, problema di pulmon, ta papiando di problema di riñon, di
higra y problemanan di cuero. Si nos ta conciente y nos mester duna loke nos tin pa por

dispone di un sushi manera debe ser, Salazar ta contento cun’e. E aporte ta asina chikito

cu e no ta causa ningun tipo di problema economico pa nos.