Page 10 - Aruba bank 16 DEC 2015
P. 10
4 Djarason 16 Desèmber 2015
PARLAMENTU A ASEPTA PRESUPUESTO 2016
WILLEMSTAD.- Presupuesto 2016 a keda aseptá ayera den parlamentu ku 12 voto pro i 9 voto kontra. Minister
di finansa Jose Jardim a
anunsiá ku e presupuesto
a sera ku un total di
2.8 miar florin. Gewone
dienst ta 2.499.478.800,
Kapitaaldienst
349.736.900 pa un
total di 2.849.215.700.
Tabatin dos amienda,
kual ta oumento di e fondo
ku a pone pa Parlamentu
di 700 pa 1 mion florin i
kual gobièrnu a aseptá,
pero a rechasá esun ku
parlamentario Amerigo
Thode a bin kuné pa
oumentá supsidio di
Algemene Rekenkamer.
Promé ku a bai na
votashon di e presupuesto,
vários ta e lidernan di
frakshon ku a splika dikon
nan lo vota pro òf kontra di
e moshon.
Gerrit Schotte a bisa
ku MFK ta vota kontra,
pasombra tabatin hopi
primintimentu den
kresementu ekonómiko.
Tasa desempleo a yega 14 %
den añanan di gobernashon
andando. Medidanan tuma
dor di gobièrnu no a yuda.
E 11 mil hendenan na kas
a keda primintí di lo haña
yudansa via banko di
vakatura i e proyekto di Mil
Hóben na Trabou, niun di
dos no a logra. P’esei MFK
lo no yuda pasa presupuesto
ku tin mas medida.
Sra. Omayra Leeflang
a indiká ku e ta hopi
konsiente ku e gobièrnu
ta hasiendo su máksimo
esfuerso pa tin presupuesto
balansá i mester tuma
medida. Pero medida mester
tin balansa i hustu. Den e
proyekto di lei aki atrobe
tin aspekto di penshun
ku ta inhustu. Komo ku e
presupuesto ta bai atendé
ku penshun i lo krea hopi
problema, Leeflang lo no
sostené e proyekto di lei di
presupuesto. E ta kontentu
ku e tabata ke 250 florin
di bónus p’e kobradó di
ònderstant, gobièrnu a pone
100 florin.
Dr. Marilyn Moses tambe
ta vota kontra pasombra e
presupuesto ta balansa,
pero tin mas medida. E
no por a keda konvensí
dikon mas medida. Loke ta
prevenshon, e no ta mira
nada di esei.
Hensley Koeiman di su
banda a bisa ku no tin duda
pasa den tempu difísil. I
komo gobernante mester
yega na presupuesto pa sali
afó. Den último aña hopi
kos ku a bisa no a resultá. A
bisa i grita hopi kos i nada
Sigui lesa pagina 42
