Page 39 - AVP
P. 39
Rocco Tjon: Ta “seponeer” un caso ora cu resultado
di e investigacion determina falta di prueba pa
persigui
DECEMBER 2, 2019 LEAVE A COMMENT
Mirando cu AVP kier sigui cu nan manipulacion ta importante pa splica cierto puntonan pa
pueblo wordo informa debidamente. E articulo aki no ta pa e persona cu ciegamente lo kere un
politico of e fanatico di un partido politico. Paso e personanan ey nunca por wak algo
obhetivamente. E articulo aki ta pa e ciudadano cu kier wordo informa debidamente. Y pa refuta
ponencianan di partido AVP cu nos aparato Hudicial no ta funciona bon y imparcial.
Pa e motibo ey mi lo splica den e articulo aki ki ora un caso ta wordo “geseponeerd”. Seponering
kiermen e decision di Ministerio Publico ki ora no ta persigui un caso. Y tambe mi lo splica e
procedura di screening, entre otro pa funcionnan vital, manera por ehempel Director di KIA.
Esaki pa refuta ponencianan di AVP riba e caso di mi persona.
PROCEDURA DI SCREENING
Riba e pagina di web www.vda.aw por haya tur e informacion cu mi ta trece pa dilanti kinan.
Despues di e splicacion aki lo bira obvio tambe cu e ponencia di sr. Sevinger: “cu mi persona lo
a gaña pa por bira director di KIA” ta un engaño. Ta bon pa splica con e procedura aki ta hinca
den otro y ken ta responsabel pa esaki wordo haci.
Den e ley “aanwijzing vertrouwensfuncties en veiligheidsonderzoeken”, den e “leidraad
aanwijzing vertrouwensfuncties” y riba e pagina web www.vda.aw por lesa cu un investigacion
di screening ta ensera entre otro:
