Page 40 - FDLP
P. 40
ORANJESTAD (AAN) – Dia 9 November ultimo tabata tin e competencia di Curacao
Openwater 2019, cual a tuma lugar na Pirate Bay (Piscadera) na Corsow. E lama aki ta
un lama basta bruto y ta rekeri basta skills pa keda riba awa.
E distancia cu a wordo landa tabata di 500 meter pa 8 years and under.
Durante e competencia aki, e hoben Arubiano, Jermain Gravenstijn, di apenas 7 anja,
tabata e mucha mas hoben cu a participa, como miembro di Aruba Dolphins, den e
promer Curacao Openwater.
Jermain a logra sali na di 4 lugar, compitiendo cu mayoria mucha di 8 aña, kendenan ta
procedente di Corsow. Jermain a logra un tempo di 15.31 minuut den 500 meter.
E competencia tabata un experiencia unico pa Jermain y el a keda sumamente
contento cu su Team/ Famia di Aruba Dolphins, kendenan a dune sosten completo na
Corsow.
Pa logra jega Corsow y competi, Jermain mester a busca sponsers y a logra tambe.
Pa es motibo aki ta hasi uso di e oportunidad pa manda gradicimento grandi na su
sponsornan y tur otro nan cu a kere den dje.
Esaki sin duda ta un estimulo grandi pa Jermain, chikito pero grandi di curason, kende
cu hopi curashi a drenta lama bruto y representa su dushi Isla Aruba.
Sin duda lo tende mas di Jermain, kende lo sigi train y sigi competi den landamento
den futuro.
