Page 3 - Minister Mike De Meza

2 AWEMainta Diabierna, 11 September 2015

Minister Mike de Meza:

Hibando Aruba
n’e siguiente
nivel pa

“un Aruba nobo”

DIAHUEBS mainta Minister di Asuntonan Economico,

Mike de Meza a bishita e waf di container nobo na Bar-
cadera, hunto cu Minister President Mike Eman, unda cu
Aruba Ports Authority y ASTEC ta den pleno ehecucion.
E waf na Barcadera ta den pleno ehecucion di constru-
cion, pa februari 2016 e mester wordo poni den opera-
cion, e mandatario a splica.

Nan ta actualmente bezig cu e plataforma y henter e
erecion di e “gantry crane” (grua), pa fin di september
nan lo mester hisa e “gantry crane” na su punto mas
halto y move cu “skits”, esaki ta un plataforma special
cu lo move e ”gantry crane” y bahe riba su railsnan cu
lo move 90 grado den e direccion di awa, Minister de
Meza a bisa.

E grua na waf di container
nobo na Barcadera ta mas grandi cu
esun existente riba waf na Oranjestad,
e tecnologia di e grua nobo ta diferente
y tur operador lo ricibi un curso pa siña

traha cune.

El a agrega cu p’e waf di Barcadera a scoge pa, ademas
di e gantry crane nobo, pa tin un “mobiele kraan” tambe
disponibel pa brinda mihor servicio na companianan
di barco cu ta mara n’e waf pa movemento di carga,
incluyendo baha container cu productonan destina p’e
mercado domestico of pa re-consolida carga, uzando
Aruba como “hub”.

Minister Mike de Meza a comenta cu na waf di container
na Barcadera ta bai tin un oficina di operacion cu actu-
almente ta den construcion, un oficina full nobo cu tin
como meta pa funciona cu energia berde.

Un inversion asina grandi ta tuma lugar un biaha den
30 aña, of mas. Pa Aruba, e waf di carga na Barcadera
ta parti di e plan total di “un Aruba nobo” cu ta inclui
diferente proyecto grandi manera e renobacion y ex-
pansion di hospital, e construccion di Green Corridor
y e construccion di Watty Vos Boulevard (ringweg),
Minister Mike de Meza a conclui bisando