Page 88 - SOC_Neat

Paul Croes a ser ricibi cu un acogida grandi na su yegada na
San Nicolas

Sunday, 14 May 2017 15:29
Comparti

Rondona pa un grupo di amigonan y famia Minister Paul Croes a bay felicita su colega Minister Mike de Meza
na ocacion di su cumpleaños.

Despues di varios siman cu Minister Paul Croes tawata ausente na varios actividad di partido AVP, ayera na un
forma hopi spontaneo a dicidi di bay duna su colega Minister de Meza pabien personalmente.
Pa su persona den principio tawata masha dificil pa sali y hasi manera nada no a sosode pasobra enrealidad e
ta diferente. Sin lubida e echo cu e impacto riba su persona y su famia tawata y ta fuerte.
Ayera Diasabra anochi acompañá pa un grupo di amigonan y famia, Paul a bay San Nicolas den un caravana
no prepara, y a bay comparti cu su coleganan. Mester bisa cu a topa cu un bon bini cu e mes no a verwacht.
Sentimento, brasa y exprecionnan di sosten y apoyo moral tawata bin di tur skina pa e hoben Minister. Riba su
Facebook page e Minister a gradici un y tur cu a compañe y ricibie asina grandi.
"Cu un curazon yena di emocionnan grandi mi kier a yama danki na un y tur pa un ricibimento unico e
inolvidabel, cu solamente un partido por duna su miembro, un reaccion caluroso cu un pueblo uni so por
duna! Un danki profundo na lider Mike Eman y na tur otro colega di partido, na tur amigo di AVP y na pueblo
di San Nicolas y henter Aruba, Na Minister de Meza ta bai un pabien caluroso deasando e hopi salud y bida
largo. Pabien Minister de Meza".