Page 27 - AVP

ORANJESTAD (AAN): Minister di Husticia Andin Bikker a gradici un bishita di cortesia di
Parlamentarionan di fraccion MEP, Rocco Tjon y Hendrik Tevreden y di fraccion di POR,

Alan Howell, y nan a yama un conferencia di prensa pa asina haci entrega di un copia di
cortesia di un ley di iniciativa, na unda e Parlamentarionan, pensando con pa contribui
na solucionnan, a traha un ley di iniciativa pa autonan di polis wordo equipa cu
computer y printernan.

E Minister a señala cu Parlamento, durante tratamento di presupuesto 2018, mocion
number 1, a expresa e deseo pa bin cu un proyecto piloto pa autonan di polis por ta
equipa cu computer y printernan, kiermen un sistema pa mas seguridad di e polis y di

pueblo y pa eficiencia lo tin un sistema computariza, cu ta pas completamente den
vision di innovacion di Gabinete Wever-Croes ta promove.

Minister Bikker a bisa cu sumo placer e por anuncia cu, cu respet na derecho di mocion
di Parlamento, cu entrante diaranzon lo publica un ‘request for expression of interest’

pa asina nan por cumpli cu e mocion aki y asina cu deseo di Parlamento.

E request for expression of interest ta un proceso transparente, caminda Gobierno ta

pone cierto guidelines, puntonan di salida y ta invita e companianan cu por tin
experticio riba area di sistemanan cu nan ta buscando, den e caso aki, onboard
computers pa autonan di polis, pa asina nan por expresa nan interes y a base di un