Page 76 - ATA_Neat

Polis y personal di DIP ta haciendo nan di dos bishita cerca e hendenan cu ti e kiosconan

aki. E huurdonan ta disgusta y a bisa cu nan no lo entrega nan yabi, pasobra no tin

motibo. Nan a paga nan huur y nan deposito. Persona di DIP no a bin nan so. Nan a bin

hunto cu polis. Nan no sa cu nan por haya nan mes den problema. Ta un instruccion nan a

haya di minister Otmar Oduber y su management team, pa asina atende y kita e kiosco di

e hendenan aki cu a inverti den nan luga, pa asina nan por gana un tiki cen pa dia. No ta

hendenan cu ta gana 1000 dollar pa dia, sino algun dollar pa nan por sobrevivi, paga nan
huur y cria nan famia.

Un otro huurdo a indica cu e ta bezig cu abogado. For di momento cu e proyecto a wordo

anuncia cu ta basta aña pasa. A haci un peticion y a cana su caminda legal. Dos aña pasa,

e peticion aki a wordo honra. No ta nada di ultimo ora. Esey e tin riba papel. E huurdo tin

tur su pruebanan y ta den man di abogado. E ta conseha e huurdo pa tuma e pasonan

necesario. Pagonan a wordo haci na DIP. Tur esaki a tuma luga aña pasa. A firma

contracto y tambe e huur ta wordo paga tur luna manera e contract ta stipula.

http://24ora.com/kioskeronan-nos-no-lo-entrega-yabi/