Page 6 - 5G

6 AWEMainta Diahuebs, 5 December 2019

SETAR conhuntamente cu Nokia

Networks a trece 5G pa Aruba

Nokia ta un partner importante pa SETAR y pa varios aña caba tin

un relacion extenso cu SETAR. Recientemente SETAR a expande su
partnership cu Nokia pa upgrade y transforma su red pa un red “full

end-to-end 5G”.
5G conoci como e di 5 generacion di celular t’e ultimo desaroyo den

tecnologia di sistema wireless di celular diseña pa aumenta speed y

sensibilidad di rednan wireless.
E red aki tin hopi mas capacidad, cobertura y ta haci posibel speed-

nan hopi mas liher. E banda cu lo wordo uza pa e red di 5G t’esun di

3.5 GHz.
Ademas di data mas rapido riba bo devicenan, e tecnologia di 5G ta

habri porta tambe pa hopi aplicacion pa uzo industrial como tambe

pa uzo p’e consumidor.
Algun di e metanan clave di 5G ta pa hisa speed di data significante-

mente. Cu 5G ta anticipa cu esaki por subi te cu 10 Gbps. Tambe 5G
tin un latency ultra-abou. Esaki t’e reaccion di e red despues di haya

un instruccion pa manda data, p.e. di un device.

Esaki den 5G ta diseña pa yega rond di un milliseconde den futuro.
E parti aki ta importante specialmente pa p.e. autonan cu ta core

sin chauffeur, esta self-driving cars, y tambe desaroyonan industrial.
Ademas, 5G ta haci’e posibel pa tin un mundo mas conecta via e “In-

ternet of Things”.

Durante e conferencia di prensa, Nokia a haci varios demostracion
di 5G, e.o., test di e speed y tambe a haci demostracionnan di virtual

reality y di e latency di un wega di table tennis.

SETAR (Aruba) ta den e top di speed di celular comparabel cu mayo-
ria operador y paisnan rond mundo. Cu e paso aki SETAR como com-

pania di telecomunicacion pionero den region di Caribe ta sigui inova

y ta sigui conecta Aruba riba lo ultimo den tecnologia rond mundo.