Page 4 - WEB

Minister Mike de Meza: Elmar ta e unico compania cu tin e
derecho di distribui y bende coriente

Wednesday, 14 June 2017 20:35
Comparti

Minister Mike de Meza ta encarga cu energia y el a comenta riba un informacion cu tin eyfo cu a wordo publica caminda cu Gobierno a kibra
e monopolio, cu no tin exclusividad mas cerca Elmar pa loke ta e suministro di Coriente. E concesion ta duna espacio pa otronan drenta.
Minister de Meza, pa Gobierno y pa loke ta e posicion di Elmar, semper tabata asina cu Elmar tabata tin un concesion cu e ta esun
responsabel pa distribucion di coriente, e grit ta di Elmar. Elmar como compania estatal ta doño di esaki. Elmar ta e unico compania cu tin e
derecho di distribui y tambe bende coriente na tercera partido y esey ta keda asina tambe. E minister a wordo informa cu lo tin indicacion cu
Elmar no tin e exclusividad aki, no ta corecto. Tin di compronde cu nan a haya renobacion di concesion y den e renobacion ey tin un clausula
cu anteriormente ta skirbi cu e letranan cu nan tin e exclusividad y esey lo ta e caso awor aki tambe. Na momento cu a compronde cu e
concesie nobo no tabata indica esey, e ora a manda esey pa coregi. Elmar ta keda cu e exclusividad aki. Elmar ta e compania estatal di Aruba
y e unico compania cu mag bende coriente na otronan. WEB ta esun cu ta genera e coriente. Elmar lo por haci algun generacion tambe, pero
na fin di dia, ora ta papia di un compania cu ta bende na otro, esey ta poni pa Elmar haci. Por sigura pueblo di Aruba y tur hende cu Elmar ta
esun cu tin e exclusividad aki y esey ya caba ta den su proceso cu e coreccion mester wordo haci cu e palabranan pa indik’e mas cla. Den
ningun momento tabata tin intension pa haci esaki diferente. Elmar ta keda cu e exclusividad aki.

Busca chens

Den esaki Gobierno ta hopi firme den dje. WEB tin e derecho pa genera coriente y produci awa potabel, pa bebe. Den esaki WEB tin e
exclusividad aki pa distribui awa na cas y na comercio di Aruba y e parti di distribucion di coriente ta di Elmar. E ta doño di e grit y e ta e
unico compania cu tin concesion pa bende coriente e ora ey na tur cliente na Aruba. Den e combinacion di Elmar cu WEB, ora cu WEB
produci e energia, e ta bende esaki cu Elmar. E no ta bend’e cu otro. Elmar ta esun cu ta tuma e totalidad di e coriente aki riba e grit y Elmar
ta esun cu e ora ey ta distribui esaki y cu ta bende esaki na tur cliente na Aruba. Esaki ta netamente pa garantisa cu tin un suministro di
cantidad y calidad constante y mas miho cu ta posibel. Esey ta conta pa awa, pa WEB. Esaki ta conta pa coriente, pa Elmar. Esey ta e
situacion. No tin nada otro den esaki. Tur cos ta keda mesun cos, segun Minister Mike de Meza.

Preocupacion
For di prome dia, ora cu Elmar a haya su concesion, el a haci un nota cu e ta importante pa nan pa exclusivamente tin esaki skirbi den nan
concesion. E ora Gobierno a tuma esaki pa coregi di inmediato, pa percura cu esaki ta den dje. E ta importante pa nan y nan creditornan,
caminda cu nan tin financiamento pa proyectonan. Pa tur e trabaonan. E ora eynan a duna instruccion di inmediato pa ahusta e concesion
aki, caminda cu tur cos ta wordo hinca aden, manera tabata e peticion di Elmar pa e concesion aki. Esey no tin ningun discusion den dje. Na
momento cu a tuma nota di e necesidad pa ta mas duidelijk den e concesion, a manda esaki afo di biaha pa coregi esaki.