Page 5 - UTILITIES

14 AWEMainta Dialuna, 11 September 2017

Refineria di Aruba N.V. ta REFINERIA di Aruba N.V. (RdA) a in-

stala su mes desde comienso di september
instala den su oficina nobo den loke hopi conoce como e ex-edificio
di DOOV na San Nicolas den Caya Dick
Cooper.
Den transcurso di e ultimo siman di augus-
tus, empleadonan di RdA y Fuels Marketing
& Supply Aruba (FMSA) a cumpli cu un plan
di mudamento p’asina tur operacion di tur
dia sigui sin ningun interupcion.

E trayecto pa remodela e edificio tabata uno
largo ya cu e alcance di trabou tabata extenso
despues di hopi añanan di abandono. E edi-
ficio remodela ta acomoda e team di RdA,
FMSA, Aruba Safety Council, Departamento
di Trabou cu ta duna servicio na CITGO
Aruba y tambe algun otro departamentonan
di Gobierno.

E vision pa e edificio di RdA for di comienso
tabata uno moderno, pero alabes cu ta resalta
e construccion di glas existente. Actualmente
e edificio ta den operacion den fase di un
“soft-opening” ya cu falta pa finalisa algun
cambio na e exterior di e edificio pa identi-
fica e compania estatal y pues tambe algun
cambio den e interior.

E edificio ta consisti di 3 piso, di cual RdA,
FMSA, Aruba Safety Council y Departa-
mento di Labor ta ocupa e prome, diferente
departamento di Gobierno y e cafetaria di e
edificio ta na e di dos piso y por ultimo RdA
y FMSA ta situa na e di 3 piso. E edificio
ta uno cu ta marca accionnan importante
den e mundo petrolero, como cu pa prome
biaha den mas cu 90 aña Aruba ta doño di
su refineria.

Pa celebra e logro aki, riba dia 30 di septem-
ber 2017 lo tin e apertura oficial di e oficina
di Refineria di Aruba N.V. acompaña pa e in-
auguracion di e pagina web di RdA y FMSA.
E anochi lo culmina cu e celebracion di e
prome aniversario di e compania estatal
Refineria di Aruba N.V. ya cu el a keda ofi-
cialmente estableci dia 1 di october 2016.

RdA tin e concesion di e terenonan y ta doño
di e facilidadnan di refinacion y ta supervisa
e huurdo CITGO Aruba Refinery pa cumpli-
mento di e diferente acuerdonan firma.
Tambe RdA ta doño di FMSA cu ta respon-
sabel pa distribucion y mercadeo di produc-
tonan petrolero riba nos isla.

Pa mas informacion por comunica cu Re-
fineria di Aruba N.V. via su pagina di Face-
book of por manda un e-mail na info@rda.
aw.