Page 11 - AAA SEPT 25, 2015
P. 11
PAGINA 8 DIARIO DIABIERNA 25 SEPTEMBER 2015
Tur cos ta cla pa e weekend di Caribbean Sea Jazz Festival
Artistanan di renombre mundial ya ta na Aruba!
ORANJESTAD (AAN): Diahuebs atardi a tuma lugar un
rueda di prensa pa asina duna e ultimo detayenan di e gran
evento di e fin di siman aki “Caribbean Sea Jazz Festival”.
Ta premira cu esaki lo ta un evento di kita sombre cu un
constelacion di artista di hopi calibre. Durante dos dia, esta
Diabierna y Diasabra, e area di Renaissance Seaport Market
lo bira e escenario di e tremendo evento aki.
Prensa di diferente pais ya caba ta na Aruba pa duna cober-
tura na e “Caribbean Sea Jazz Festival” y durante di e rueda
di prensa tanto prensa local como stranhero a ser a conoci cu
Mike Stern, guitarista y compositor mericano, varios biaha
nomina na e premionan Grammy reconoci mundialmente den
mundo di jazz kende a duna di conoce di ta hopi contento di
ta na Aruba.
Un otro artista presente tabata Maite Hontele, kende ta un
hulandes cu a biba pa basta tempo na Colombia. E ta un trom-
petista cu un sabor latino y tambe nomina recientemente na
un Latin Grammy.
Stern y Hontele hunto cu hopi artista mas lo ta dunando nan
presentacion diabierna y diasabra durante e di 9 edicion di
“Caribbean Sea Jazz Festival”.
