Page 165 - KPA
P. 165
Den e reunion extraordinario di Ministerraad teni riba diasabra 25 di november parti
mainta, Minister di Educacion Dr.Armando Lampe a propone y a keda aproba pa dialuna
27 di november pa 10’or di mainta na tur scol tene un minuut di silencio pa recorda
Rishandroh Anastacia cu a perde su bida despues di maltrato severo. E momento di
reflexion aki ta pa bisa no na abuso di mucha.
Diasabra Minister Lampe a acompaña Fundacion Hende Muher den Dificultad den un
caminata cu a duna inicio na e 16 dianan di conscientizacion di Orange Aruba 2017. E
caminata tabata di Plaza na Corte di Husticia pa Parlamento di Aruba caminda a hasi
entrega di un manifiesto na president di dicho organo Sr. Ady Thijsen.
Minister di Enseñansa ta pidi otro instancianan manera comercio, departamentonan
gubernamental, iglesianan pa uni na e minuut di silencio como señal cu abuso di mucha
den cualkier forma no ta aceptabel den nos comunidad. Gobierno nobo a compromete su
mes di lo hasi tur trabao necesario pa para e ola di abuso contra nos muchanan cu hopi
biaha no ta wordo papia ariba. Ademas tin un cantidad di hende cu problema psychiatrico
cu mester wordo atendi riba nos isla. Una ves cu e plan di accion ta dilenea lo informa
pueblo di Aruba. Esaki lo mester ta a corto plaso.
