Page 33 - KPA

Dialuna, 27 November 2017 AWEMainta 5

Wela di e muchanan tambe deteni

E mama ta haci uzo

di su derecho di

mantene silencio

Maske el a cuminsa bisa algun detayes

DESPUES di dos dia di buskeda, sin cu no
tin mucho informacion pa basa nan mes kico

of unda mester busca, autoridadnan a dicidi

di para e buskeda pa e mucha homber Eu-
gene, ruman Rishandroh Anastacia, kende a

fayece diabierna den oranan di atardi n dr.
Horacio Oduber Hospital.

Diasabra den oranan di atardi Cuerpo Poli-

cial a informa oficialmente cu e wela di e
muchanan, mama di nan mama, a wordo

aresta.

Den un post di un docente di e scol por a
lesa e procedura cu nan a sigui ora cu e mu-

cha aki tabata hopi ausente di scol. Inclu-

sive nan tabata den contacto cu e wela di e
muchanan, esun deteni awo, kende a splica

cu e menor tabata malo pa dos siman y cu e
celular di su yiu a daña. E scol a haci un cita

via di e wela pa e mama acudi na scol, pero e

no a cumpli cu e cita. Den contacto cu e wela
atrobe, nan a bin tende for di dje cu su yiu a

muda y e no sa unda nan a bay. Aki e proceso
a cuminsa pa meld e caso.

Di otro banda AWEMainta por a compronde

cu mas o menos dos luna pasa e mama di e
dos muchanan aki tabata cana coho, pasobra

parce cu su compañero Gabriel Martin lo a

hinke na su pia.
Fuentenan policial di AWEMainta a bisa nos

cu e mama ta para riba su derecho di man-

tene silencio, probablemente door di e me-
nasa cu su compañero a lansa contra dje na

momento cu nan a wordo aresta diabierna
atardi. Autoridadnan awor ta bay trata pa via

di e wela mira si nan por saca algun informa-

cion cu por conduci na destino of paradero
di Eugene di mas o menos 3 aña.