Page 2 - AM231016

2 LOCAL AWEMainta
Fiscal den caso di asesinato
A maltrata Michael Kock y lagu’e
tira manera un bestia riba caya
n caso tristo, un caso horibel sin duda, un caso camin-
Uda ta resalta e falta di respet c’un hende por tin pa bida
di otro, ya cu e forma con Michael Kock, un adicto a wordo
maltrata dia 22 di Januari di e aña aki, tabata simplemente
criminal.
Loke Michael cu ta un adicto pero cu segun polisnan e no sa
causa problema cu ningun hende, a haci pa haya e maltrato
cruel cu e mester a soporta na luna di Januari ultimo, ta cu el
a pasa man pa cartera di un muhe cu ta traha den American
Bar na San Nicolas y a bay cu esaki.
Ora cu e muhe a ripara cu el a perde su cartera, dos homber
cu tabata sinta cu su persona den e bar, a yuda busca y
despues a sinta wak grabacion cu camaranan instala den e
bar y ey nan a bin nota cu e persona cu a bay cu e cartera,
tabata e adicto Michael Kock.
Aki e dos tiponan sinta cu e muhe cu a perde su cartera,
estas Schildona Williams di 31 aña naci na Jamaica y e hoben
Jonairo Quant di 21 aña, a dicidi di yuda e muhe recupera su
cartera y nan a sali pa busca Michael Kock y tabata den Sint
Maartenstraat cu a bin mira su persona den un cas.
Williams mesora a drenta e cas y sin bisa algo a dal Michael
Kock un mokete cu a mand’e ‘knock-out’ den e cas y ora cu
e señora di e cas a bisa cu den su cas no ta bringa cu ningun
hende, e acusado Williams a dicidi di hisa e victima cargu’e
hiba pafo y bent’e riba caminda.
E ora el a bay splica e señora di e cas kico ta pasando pero
mientras tanto e otro acusado, Jonario Quant a bay cerca
e victima pa listra su saconan di carson den cual el a bin
haya e cartera cu Michael a bay cu ne y mesora el a core bay
paden di e cas atrobe, pa mustra Williams kico el a haya.
BESTIA
Ora cu Williams a ripara esaki, el a ranca bay pafo y e acusado
aki no a tuma ni na consideracion cu e victima tabata for di
tino ainda y a cuminsa suta Michael cu mokete den su cara,
causando herida rond di e cara di e pober homber.
Durante di e maltrato severo aki, ningun momento e victima
por a reacciona ya cu e tabata for di conocemento pa motibo
Dialuna, 16 October 2023
di e prome mokete cu el a ricibi di Williams den e cas pero
asina e acusado aki a dicidi di lanta para y sigui bati e pober
homber cu su pia riba su pecho y bariga y tambe a scop
Michael na varios ocasion.
POLIS
Dos otro muhe di e bar cu tambe a Sali pa busca Michael, a
bin topa cu e pober homber tira riba caminda tur na sanger
y sin reaccion algun y mesora a avisa polis pa bin na e sitio y
segun autoridadnan policial, nan a yega haya Michael benta
riba caya seriamente herido y kende no tabata reacciona y
mesora a pidi presencia di ambulance.
A transporta e victima cu urgencia pa hospital caminda a
brinda prome asistencia pero despues a bin constata cu
Michael Kock tabata loke ta ser yama ‘schedelbasis fractuur’,
e tabatin sangramento den su cabes cu lo por ta hersen-
bloeding, tambe Michael tabatin varios fractura na su cara
dor di e moketenan cu el a ricibi for di Williams mientras cu
e pober homber aki tabatin 8 ribchi fractura.
Na mes momento tambe a constata cu e victima tabatin
perforacion di pulmon y na momento cu el a fayece dia 16 di
Maart di e aña aki, dokter a determina cu esey ta pa motibo
di un infeccion cu el a sufri na su pulmon cu awor tin cu
mira si esaki lo por wordo relata na e herida na e pulmon na
momento cu el a wordo maltrata.
Segun declaracion di Williams, e acusado principal den e
caso aki, no tabata intencion di mata Kock pero realmente
e forma con a bata e mucha homber aki, tabata algo asina
violento caminda e posibilidad tabata existi cu nunca mas lo
el a recupera conocemento.
Acusado Quant ta insisti cu ningun momento el a scop of
golpia e victima manera ta ser mustra den e proces-verbaal
pero unicamente el a controla si e victima Kock tabatin e
cartera den su carson pero Fiscal a mustra bon cla cu e no a
aleha su mes di e acto violento aki.
Pa tal motibo Fiscal a exigi un castigo di 11 aña pa Quant
mientras cu contra Williams cu ta esun cu mas a maltrata
difunto Quant, el a exigi un castigo di prizon di 14 aña.
Dia 3 di November Hues lo dicta sentencia den e caso aki.