Page 29 - AHATA

Te cu oranan di atardi tabata parce cu e opinion interno riba e candidato pa Partido
Democratico a keda dividi y cu ningun candidato realmente lo a logra un cantidad di
voto indicativo pa un mandato di partido.

Diferente factor a cuminsa bini dilanti despues di siman pasa ora den Senado a sali na
cla cu lo no prolonga e proceso di huicio contra Trump, cu tabata kita tur atencion for di
asuntonan serio di e eleccion presidencial.

Na prome luga na IOWA directamente a bini dilanti cu mester tin un candidato di
Partido Democratico cu den seno di su partido mes tin suficiente voto pa e por enfrenta
Donald Trump.

E hecho cu votadonan di Partido Democratico ta dividi entre algun candidato cu mas ta
bini dilanti, e Republicanonan tin un solo candidato pa eleccion cu ta donald Trump, cu
como awor ta haya atencion pa e crecemento economico y asina den cantidad di
empleo cu el a produci pa Merca.

Pa e votado esaki ta sumamente importante na momento cu e pais ta enfrenta hunto
cu henter mundo e catastrofe di coronavirus cu a afecta henter economia mundial.

Uno di e candidatonan di Partido Democratico cu ta faborito ta Joe Biden cu tabata Vice
Presidente tempo di Obama.

Su participacion na eleccion actual a afecta e imagen solido cu el a laga atras como Vice

Presidente mas ainda awor cu e y su yiu ta motibonan principal di e impeachment di
Donald Trump.

Joe Biden tabata encarga cu asuntonan di Ukraina. Den e tempo aki su yiu Hunter

Biden a bay traha na Ukraina.

E impeachment di Donald Trump ta mara na e investigacion cu el a pidi di Hunter
Biden. Pone presion pa yega na un investigacion di parti di Donald Trump a bira

acusacion di Partido Democratico contra Donald Trump pero no tabata tin e peso pa
impeachment, cu probablemente ta pasa pa pasado Diaranson.