Page 48 - AHATA

e sancionnan di Merca contra Venezuela a pone cu ta imposible desaroya hunto e
proyecto di gas aki.

E progreso di desaroyo di e campo aki di gas aki ta wordo obstaculiza pa e sancionnan

imponi door di Washington, cu ta impedi cu companianan Mericano por haci negoshi cu
PDVSA.

Esey ta pone cu e compania Chevron (cu tin como 60% di e campo Loran) lo no por

participa den e desaroyo di e proyecto pa saca gas. PDVSA tin 40% den Loran.

E campo Manatee ta wordo controla 100% door di Shell Trinidad & Tobago.

Debi na esaki, Gobierno di Trinidad & Tobago y di Venezuela a dicidi cu cada uno
independientemente lo bay explora nan mes e area na frontera di Loran-Manatee, cada
uno den nan area maritimo.

E campo di gas Loran-Manatee ta extende na tur dos banda di e frontera maritimo
entre Trinidad & Tobago y Venezuela.

Ta calcula cu e tin como 10,2 biyon di pia cubico (TCF) di gas di cual 75% ta pertenece

na Venezuela y 26% restante ta pertenece na Trinidad & Tobago.

Segun Rowley, Shell awor ta combersando cu Gobierno y ta trahando riba varios
escenario di desaroyo pa determina e mihor opcion.

https://www.diario.aw/2020/02/trinidad-tobago-y-venezuela-a-cancela-acuerdo-di-explora-gas-na-nan-
frontera/