Page 17 - MIN ON

pa paga borchi, bandera, sticker, jingles, spotsnan y air time na radio y tv, salario na candidatonan,
contractnan costoso di publicidad etc. etc.;

1. E falta di transparencia di unda e tantisimo placa ta bin, pasobra tur hende sa cu ni cu bo
organisa tur dia bendemento di bbq etc. e no ta trece miles y miles y hasta miyones di florin
den caha di partido;

2. E mentalidad di ataca hende na nivel personal, e arogancia adkiri dor cu ya caba a fungi
como minister, parlamentario y/of coordinador cu de paso tur ta complice den creacion di e
debe miyonario y den e corupcion gubernamental;

3. E falta di ideanan propio y di no para pa derechonan humano. Principalmente e derecho di
cada persona pa dicidi kico e ta hinca den su curpa sin cu e ta wordo considera un criminal.
Cu si ta di acuerdo, cu e idea tradicional cu dokternan por hinca droganan kimico pisa den un
persona su curpa sin cu e persona a duna su concentimento y cu tin mas chens di mata cu
cura. Cu ta contra cannabis recreacional y no contra alcohol cu ta un droga totalmente
recreacional y destructivo tambe. Y cu kier sigui mira con usuarionan di cannabis ta sigui
wordo criminalisa y perde nan posibilidad di estudio y trabow;

4. E falta di sinceridad pa tuma regulacion di cannabis na serio cu hustamente ta cumbini e
pueblo pasobra e uso (ya existente) ta wordo mara na reglanan estricto di: edad, calidad,
conocimento, control etc. Cu sa cu no ta un free-for-all ta bai tin y cu toch ta gaña pueblo lo
contrario;

5. Cu ta compronde masha bon mes cu ken cu usa e idea di partido ReD di regula/legalisa
cannabis ta un follower y no un leader. Y tin cu hasta ta papia di duna monopolio riba
cannabis medicinal na compinchi politico. Sin ta paso nan tin miedo di perde voto den e
eleccion aki ya nan lo a anunci’e. Y ken sa cuanto ideanan mas di ReD nan lo sigui tuma
over como followers.

Tur e puntonan menciona aki riba ta identifica partidonan tradicional cu no ta partido nobo.