Page 22 - AVP

Den Playa Pabou nos a wak con leu e odio aki por yega. Pesey tin un caya cu yama Alo
Tromp, caminda un hoben di 15 aña a bira victima di e tipo di persecucion y violencia
politico aki di e mesun partido.“

Cu esaki MIke Eman a distingui AVP di e otro partidonan cu ta forma e Gobierno actual
di Aruba y di e pensamento cu ta reina den e Gobierno actual. Esta cu tumamento di
venganza politico ta algo normal den politica of di Gobierno. Na un banda bo tin e
pensamento cu ta biba y forma e base di tur decision y accion di AVP, esta cu tur hende
den e pais aki tin e mesun derecho y mester wordo trata cu e mesun respet y mester haya
e mesun oportunidadnan cu tur otro ciudadano.

Cu niun hende tin mag di wordo persigui pa su opinion y simpatia politico, pasobra cada
ciudadano tin e derecho pa libremente scoge, afilia y traha activamente pa un of otro
partido. Basta e haci esaki cu e mes un respet p’e derecho ey cu cada otro hende tin!

CRITICA
AVP a wordo critica na mas cu un oportunidad p’e forma di pensa aki. AVP a y ainda ta
wordo critica pa acepta critica, ofensa, gañamento, insinceridad di hendenan cu a hasta
haya trabou bou di Gobierno di AVP y cu ta traha den departamentonan di Gobierno.
Un bon ehempel t’e hendenan cu a haya trabou pa mantene limpiesa cant’i caminda bou
Gobierno di MEP. Tin di nan a haya e contract net prome cu MEP a bandona Gobierno.

Ora AVP a sinta no a kita of bibra contract di niun di e simpatisantenan di MEP. A hasta
alarga nan contract ora esaki a caba. A haci esaki aunke algun di e mesun contratistanan
aki tabata bay radio y television pa critica y ofende miembronan di AVP. Tin di nan a
hasta participa den protestanan violento contra Gobierno di AVP. Pero nunca a mishi cu
niun di nan.

E splicacion di Mike Eman ta simpel y corecto: “Nan tin e mes un derecho cu cualkier
otro pa haya trabou. Nan tambe tin famia cu mester tene cuenta cun’e.”

Asina Mike Eman a pone loke t’e pensamanto di partido den practica. Esta di no persigui
niun hende of busca escusa pa kita trabou di hende djis pa venganza di politca partidista!
Esaki ta un standard y nivel di politica madura y di respet pa derecho di tur ciudadano cu
otro partidonan ta profesa cu boca, pero ta practica lo contrario.