Page 8 - 04o24

PAGINA 8 DIARIO DIABIERNA 4 OCTOBER 2024
Nicole Hoevertsz re-eligi atrobe
como miembro di Comite

Ehecutivo di PanAm Sports

ORANJESTAD (AAN): Riba Diaranson a tuma lugar,
eleccion pa forma e Miembronan nobo di Comite Ehecu-
tivo di PanAm Sports.
President ta Neven Ilic (Chile), y prome Vice-President
ta Mario Moccia (Argentina). Segundo Vice-President
ta Keith Joseph (St. Vincent), y tercer Vice-President
ta Susanne Lyons (Merca). Tesorero ta Richard Peter-
kin (St. Lucia), y Secretaria General ta Jimena Saldana
(Mexico).
E biaha aki, tabata un orguyo pa mira cu Nicole Hoev-
ertsz (Aruba), a wordo re-eligi como Miembro di Grupo
3 di Comite Ehecutivo di PanAm Sports. Den grupo 3
e ta hunto cu Miguel Angel Mujica (Chile), y Camilo
Perez (Paraguay).
Nicole Hoevertsz a reacciona bisando cu el a keda
contento di a wordo re-eligi como Miembro di Comite
Ehecutivo di PanAm Sports, caminda e lo sigui traha
como parti di un ekipo dirigi pa Presidente Neven Ilic.
Palabranan di felicitacion na Nicole Hoeverts, cu deseo-
nan di hopi exito cu e trabao.

DOW ya caba a tene

su prome reunion pa

prepara Eleccion 2024

ORANJESTAD (AAN): Eleccion ta na caminda pa
Diabierna 6 di December 2024. Esey a pone cu De-
partamento di DOW a cuminsa cu e trabou nan di
preparacion pa esaki.
DOW su tarea principal den eleccion ta pa percura
pa tur urna electoral ta den bon estado, si mester un
drecha luz, verf of pone un rampa pa e persona nan
invalido pa asina tur urna ta accesibel pa tur hende.
Tambe DOW ta encarga pa haci trabaonan di in-
richting di tur urna electoral, esaki ta encera arma e
hokinan di voto, pone e barinan di voto, pone less-
enaar y stoel pa e comision di cada urna, pone heki
paden di e urnanan pa guia e personanan bay na e
president di urna electoral.
Fuera di esey, nan ta encarga pa pone barricadanan
pafo pa guia tur e personanan y na final pone borchi
di indicacion unda e urna ta situa. Pa cu esaki DOW
tin su coordinador y teamleiders cu a cuminsa cu
e trabao nan preparatorio mane cu e draaiboek ta
stipula.