Page 9 - MIN VOS_Neat

DIRECTOR DI DIRECTIE

VOLKSGEZONDHEID ARUBA, DRS. JERRY

STARING ARUBA A CONOCE 100 AÑA DI

INNOVACION DEN SALUD PUBLICO

18/06/2017 Admin Uncategorized Leave a comment

ORANJESTAD, Aruba : “Shen aña pasa no tabatin un hospital, ni tabatin
ambulance y ora un hende di menos recurso tabata sinti malo, e tabata bishita
un curioso of curandero y cu remedi di tera tabata combati enfermedad. Den
transcurso di tempo Aruba tabata haya bishita cada tanto tempo di un dokter,
mayoria Hulandes, cu tabata bin di Corsou pa pasa cas pa cas riba burico pa
check salud di hende”, asina Drs. Jerry Staring, Director di Directie
Volksgezondheid Aruba (DVG) a duna di conoce den su discurso na ocasion di
celebracion di 100 aña di salubridad publico na Aruba.

E prome dokter Arubiano tabata Horacio Eulogio Oduber na aña 1880 y tabata e
unico dokter den su tempo. Pa haya cuido medico mas lihe, e habitantenan cu
placa tabata bay Corsou cu boto of otro pais den vecindario. Cuido na Aruba pa
falta di hospital tabata sosode bou circunstancia primitivo y den caso di
emergencia cu mester opera, tabata uza rom como narcose.

Te na fin di aña 1917 a firma e documento ‘Verordening Openbare
Gezondheidsdienst in de kolonie Curacao”. E ordenansa aki tabata trabou di
Dokter Waterman pa oficialisa salud publico na Aruba. Riba insistencia di
Dr.Waterman a cuminsa herbe awa cu tabata destina pa bebe. El a pone hopi
enfasis riba higiena, pero tambe riba prevencion y combatimento di
enfermedadnan contagioso. Su otro tareanan tabata inspeccion di salubridad,
pero tambe scolnan.

Danki na dokter Hopkins di Merca cu a establece su mes na Aruba na 1915, cu a
acerca Monseigneur Vuylsteke pa yuda pone e prome hospital riba pia na aña