Page 12 - MIN ON 26 JUNE 2017

Diabierna ultimo den e sala di Parlamento di Aruba a tuma
lugar e huramentacion di 8 miembro di Parlamento Hubenil

Monday, 26 June 2017 09:12
Comparti

Parlamento Hubenil ta un organisacion cu ta enfoca riba e desaroyo personal y social di e hoben nan di
Aruba. E hoben nan cu a huramenta diabierna anochi aki ta representa EPI, Colegio Arubano y Pro
Famia Feliz. Representando EPI a huramenta: Noami Albertus, Marie-Jaindrah Gomez, David Quant,
Arelys Tromp y Maxromy Brown.

Representando Colegio Arubano a huramenta: Gilia Croes y Faridi Dorff y representando Pro Famia
Feliz: Steve Geerman. Cada un di e 8 hoben nan a pasa den un trajectoria largo di preparacion cu ta
ensera entre otro: debate, cursonan, lecturanan y diferente encuentro nan. E tabata un anochi jena cu
emocion den presencia di famia, miembronan actual, staff y demas invitado, e 8 hoben nan aki a
huramenta y asina tuma e rol di ta un ehempel pa otro hoben nan den communidad. Directiva di
Parlamento Hubenil ta hopi contento y orguyoso di e 8 hoben nan aki, mirando cu nan tin un futuro
prometedor nan dilanti.y cu esaki Parlamento Hubenil kier a manda un invitacion personal na e hoben
nan di Aruba entre e edad di 14 pa 23 aña cu ta bai scol of cu ta forma parti di un organisacion pa tuma
contacto cu nos na 5886860 of email nos na youthparliamentaruba@gmail.com y asina tambe forma
parti di e team dinamico aki y tambe crece como un hoben professional. Tambe nos kier a extende un
invitacion na tur hoben cu ta interesa, pa join nos den nos conseho general diabierna awo 30 di juni
2017. Pa mas informacion keda pendiente riba nos facebook page cual ta ‘Youth Parliament Aruba’.