Page 36 - HOSPITAAL

unda cu e representante di e trahadonan na hospital esta sindicato ABV a wordo
invita pa minister Dangui Oduber pa asina ta presente na e reunion. E sindicato
tawata presente cu su delegacion y a keda masha contento di por a participa na

e reunion, na unda cu nan como representante di e trahadonan a haya mas
informacion tocante e proyecto y cierto problemanan tambe cu a surgi den

transcurso den e añanan aki cu e proyecto y e motibonan su tras.

Pa varios tempo caba sindicato ABV tawata ayanan mes confronta cu e
problemanan diario cu tawata surgi durante e trabounan di construccionnan na

hospital. Un ehempel sigur tawata e diesel spill di aña pasa na unda cu full
hospital mester a wordo evacua y e holonan toxico cu a afecta e trahadonan di
operatiekamer, radiologia y botica na unda cu e operacion diario di hospital a

wordo afecta. Den e reunion e minister a accentua cu e siguridad di e
trahadonan ta hopi importante pe y e lo zorg pa gerencia di hospital

garantisanan tambe un ‘safe work environment’ pa asina nan por brinda e cuido
necesario na pashentnan. E minister tambe a informanan cu e sucedido di algun

siman atras cu e holonan toxico na hospital tawata tin su debido atencion y a
actua mesora na unda cu a duna TNO ‘opdracht’ pa bay investiga di unda y

pakico e holonan aki ta drenta den hospital. E minister ta bezig tambe cu un
otro instancia internacional reconoci pa haci investigacionnan di aire den e
habito hospitalario, pa asina tin dos investigacion imparcial cu ta wordo haci pa

asina bin saco afo di unda e holonan aki ta bin, pa asina esaki wordo soluciona,
pa e trahadonan por tin un ‘safe work environment’. Mester bisa si cu construi y

renoba un hospital cu ta den pleno operacion no ta algo facil, e ta trece hopi
retonan cun’e.

E mandatario ta instituyendo un comision pa asina haci un ‘quick scan’ completo

di e proyecto aki pa asina determina na unda mester bay focus riba dje durante
un investigacion oficial cu lo dura algun luna. E comision oficial cu lo wordo
institui despues di e ‘quick scan’ lo bay investiga e proyecto aki di comienso te

awo. Na final di e investigacion aki minister lo informa parlamento y pueblo di
Aruba di e resultadonan debidamente.