Page 42 - HOSPITAAL

Prome catheterisacion a tuma lugar den

compleho nobo hospital

Posted on 04/11/2018 5:02 pm AST | Updated on 04/11/2018 5:02 pm AST

ORANJESTAD - Despues di basta tempo trahando riba e proyecto aki, Dr. Horacio E.
Oduber Hospital ta orguyoso di por anuncia cu nan a opera su prome pashent e siman aki
bou guia profesional den nos compleho nobo di catheterisacion. Sr. Paulo Marrero-
Santana ta e prome pashent na Aruba cu a haci e operacion PCI (“Percutaneous Coronary
Intervention”), un cirugia cu ta haci uzo di catheter. Paulo Marrero-Santana tabata
sumamente satisfecho cu e servicio brinda. E pashent a pasa den un proceso y despues
por a sigui cu e operacion. El a duna di conoce cu e tabata sinti dolor y no tabata sa kico e
tin, pero despues cu a bay dokter e specialist a dicidi cu e tin mester di e operacion PCI.
Awor Paulo ta sinti hopi mas miho. E pashent ta contento di ta e prome pashent pa haci
esaki, pasobra tabata e intencion pa e worde referi pa exterior. Sr Paulo Marreo-Santana
ta haya esaki un progreso grandi pa Aruba!

E siman aki lo sigui cu operacionnan bou guia di Amsterdam Medisch Centrum y Onze
Lieve Vrouwe Gasthuis di Hulanda hunto cu e cardiologonan local pa despues di dos aña
e specialistanan local por sigui riba nan mes. E compleho nobo aki lo ser inaugura
oficialmente diahuebs awo dia 12 di april.