Page 4 - BRANDWEER MARCH 12,2016

Minister Alex Schwengle: Si hotelnan no drecha nan permiso
manera mester ta, autoridad lo wordo manda pa nan

Friday, 11 March 2016 16:21

Comparti

Aña pasa tabata tin un control riba hotelnan grandi. A bin resulta cu no por a proba un permiso valido
oficial di gobierno, pa nan por opera.

A bin resulta cu tabata tin un toezegging di algun decada atras, y te eynan el a keda tambe. Ningun hende
no a sigui pa concretisa e permiso. Gobiernonan a cambia y ningun hende no a haci nada pa regla esaki.
Awor aki gobierno a cambia. Segun minister Alex Schwengle, e resultado y keho a yega na su ministerio y
a comunik’e cu no solamente Juridische Zaken, DBZ, pero tambe cu DVG, e opdracht tey. Lamentabel ta
cu a bin asina hopi candela ultimamente, manera Zika y tambe problemanan cu tabata tin na Divi, etc., a
ranca hopi tempo di di Despa, cu ta cambia prioridadnan, por garantisa cu ta trahando duro riba esey y a
bin resulta berdad cu tabata tin varios hotel y tambe cierto restaurant na Aruba, cu nan no tabata tin na
permiso na ordo. Ta bon pa haci control, pasobra ta bin wak cu cierto cosnan no ta na ordo. Por ta
aspectonan higienico ta bon, pero si e permiso no ta na ordo, tampoco no ta bon. Tin cosnan mas
importante ainda, por ehempel si e sigurdad di candela no ta garantisa. Ta cosnan cu mester tene cuenta
cun’e. Si e vergunning no ta na ordo, e por ta cu tabata falta djis pa caba e papeleonan, pero cu e
siguridad di candela ta bon, aparentemente esey tambe ta un aspecto cu mester su debido atencion.

Pasobra si e bouwtekening no tey, tin cu laga traha pa asina cu brandweer por duna su conseho riba esey
y pa asina e minister por ta sigur cu tur e aspectonan necesario wordo gechecked prome cu duna
vergunning. Ta claro cu no por yega cera un hotel cu ya tin mas di 10 aña ta opera, zomaar, pero tin
presion buta riba nan y tur cu no tin nan permiso na ordo, ta bezig cun’e y tin un maximo un aña di
tempo pa keda cla cu esaki. Minister Schwengle a splica cu nan no ta traha e vergunning pa e hotelnan. E
hotel mester ta responsabel pa nan yega na nan vergunning. E ministerio ta constata cu cierto hotelnan
no ta na ordo. A bisa nan tambe kico no ta na ordo y nan tin un tempo limita pa cumpli cu esaki. Si na
final di tempo nan no cumpli cu nan deber, e ora e minister lo mester tuma e pasonan necesario. Si e
hotelnan no kier cumpli, e ora tin cu manda e autoridadnan necesario pa cera nan. Pero e minister ta
spera cu no mester yega asina leu, el a remarca.

Comentarionan (0)