Page 17 - AWEMAINTA

Diamars, 29 October 2019 AWEMainta 17

Polis a haye ta usa forsa bruto pa efectua

detencion di chauffeur agresivo

DIADOMINGO atardi Polis a bay un adres

na Sero Blanco, unda un caso di destruccion
a tuma lugar. Algun minuut cu nan ta n’e adres

pafo, un Nissan Almera biniendo di nort a dal

para y a hit reverse mesora. Nos ta asumi dor

cu el a mira Polis.

Momento cu el a bay den reverse, e lo a dal un
vehiculo (un Honda) staciona y bandona e sitio.

Na stuur taata un cabayero sin t-shirt cu cabey

largo y basta tattoo riba curpa.

E auto a tuma direccion Wayaca. Loke e no a

tene a cuenta cune tabata cu testigonan a nota

e plachi number y a duna Polis.

Polis a bay check y a haya adres na unda e
auto ta registra cu ta na Primavera.

Enberdad na yegada a topa cu e Nissan Almera

staciona dilanti e cas y cu e sla fresco patras
di e auto.

Polis a bay papia cu e chauffeur, bisando e di

loke a pasa. Pero, debi cu e ta bou influencia

di un of otro substancia e ta para ‘riba cu no
t’asina.

Mirando cu si lage e lo bay causa mas problema,

a tuma e desicion pa bay detene. Aki ta unda
cos a cuminsa bay robes.

Momento cu nan lo a bay pa detene y pone den

boei e homber a cuminsa resisti fuertemente.

Polis mester a usa forsa bruto pa domine y a

logra tambe.
Un agente na civil cu lo a scucha via su porto

tambe a yega n’e sitio pa yuda su coleganan.

E parti no a bay facil pe, debi cu e no tabata
den uniform un homber cu nos ta asumi cu ta

famia di e detenido a medio choca e agente,

strobando e pa yuda su coleganan. Sin sa cu

ta polis e tambe ta.

Na final mas patruya a yega y a logra hinca e
homber den transportwagen direccion Warda

di Polis.