Page 30 - AWEMAINTA

30 Bonaire AWEMainta Diamars, 29 October 2019

A haya diferente eskeleta di Indjan

Descubrimento importante na sitio arceológico

KRALENDIJK -- A haci descubrimento

importante durante un investigacion arkeológico

cu ta tumando lugar riba un tereno pa nort

di Komunidat di Skol Bonaire. Den mundo di
arkeologia e área aki ta yamá Amboina, aunke e ta

keda mas pabou di e region cu ta conocí serca e

Boneriano bou dj e nòmber aki. E descubrimento
ta enserá e.o. diferente eskeleta Indjan òf

Amerindio, tambe diferente otro artefacto único di

tempo bieu.

E motibo di e investigacion aki ta relacioná cu

plannan cu tin pa bay expandé Komunidat di
Skol Bonaire cu mas edificio. Como cu e sitio

arkeológico Amboina ta registrá e.o. pa dr. Jay

Haviser y tambe otro arkeólogonan, a dicidí di
laga haci e investigacion, promé cu e trabounan

cuminsá. Ta algo cu ta normal na Hulanda y

Bonaire ta parti di e pais aki.

A bini arkeólogo for di Hulanda, pero di mes a

envolví arkeólogo Haviser, como cu e ta conocí
cu tipo di investigacionnan asina na Bonaire.

“E resultadonan te awor ta sorprendente. Nos
a haña cosnan interesante y único. Hasta mi ta

risca bisa cu, a base di loke nos a descubrí, sitio

Amboina a bira probablemente e sitio arkeológico

di tempo Indjan mas interesante di e islanan ABC

y Isla Riba. Nos a haña cosnan único”, Jay Haviser
a bisa.

E grupo di Bonaire BONAI tambe ta envbolví cu

e proyecto aki. E hóbennan ta hopi entusiasmá
tambe. Haviser a splica cu a haña evidencia

arkeológico cu n’e sitio aki tabatin un pueblo

Indjan consistiendo di sigur 200 habitante asina.

A haña palo di e casnan.

Mas aleu Haviser a splica cu diferente eskeleta
a bin ‘riba durante e escavacionnan na sitio

arkeológico Amboina.

Ta trata di eskeletanan tanto di adulto como
mucha. Indjanan tabatin custumber di dera curpa

di nan hendenan cu muri den nan cas mes.