Page 2 - AM180728

2 AWEMainta Diasabra, 28 Juli 2018

Den minimo di tempo,

Polis a detene 3 atracador di CITGO San Nicolas

DIAHUEBS anochi pa mas o menos 9:30pm
atracadonan a drenta un cas na Savaneta y a
atraca e habitante, kende ta doño di CITGO
San Nicolas, situa net banda di Warda di Polis
na San Nicolas.

Tur e atracadornan (3 en total) ta den man di
husticia caba, mientras ta buscando pa mas.
Mester bisa cu tur dos sospechoso tin mas o
menos 3 siman liber, despues di tabata cera pa
otro caso di atraco.

E atracadonan tabata spera e homber yega su
cas. E victima a bisa cu na momento cu el a yega,
el a mira un auto para na banda pariba di su cas
y e lusnan tabata cendi. Na momento cu el a bay

pa baha for di e auto, el a mira un homber bisti
den coverall blauw canando den su direccion y
a cuminsa grita: “nami e placa, nami e placa”. E
atracado mes a ranca e porta di e auto habri y
a pasa man cu e dos tasnan. “E atracado a keda
wak mi y cana bay atras, e victima a declara na

Polis. Despues el a saca un pistol color di plata
for di su saco di carson y a los tiro den laira.
Despues el a subi un vehiculo blauw / biña, cual
tabata staciona tras di auto di e bisiña.

A manda un melding general pa tur patruya y esun di Santa Cruz cu a
baha pa bay pariba a topa cu e auto aki den area di Sabana Basora Noord.
Nan a mira e chauffeur y e ocupante baha na careda y drenta mondi, pero
prome cu esey nan a basha cura di un cas abou. Un rato despues Polis a

haya informacion cu e mesun auto aki uza den e atraco lo ta procedente
di joyriding.

Un di e atracadonan a wordo haya na altura di Sabana Basora Noord y

transporta pa warda. Un rato despues miembronan di FlexTeam a haya un
otro sospechoso banda di un cas na Burunbundu, deteni y hiba warda. E
auto a wordo hiba warda tambe pa mas investigacion. No mucho despues
ta drenta informacion cu un di tres sospechoso a wordo deteni door di un
patruya den area di Sabana Basora mes.
Ta di spera cu e biaha aki, e peso di ley, duna un castigo mas pisa, pasobra

si nan a sinta castigo caba pa un otro atraco, aparentemente no tabata
suficiente. Un rato despues a gara dos otro mas.
(foto cortesia 24Ora.com)