Page 43 - FLPD

Abnormalidad den Lotto
Durante e reunion aki por a prueba cu e Director actual Destefano Wernet no ta digno di confiansa. Parlamento
di Aruba a wordo confronta cu prueba con Destefano Wernet ta ofrece su mes pa servicio como accountant na
Lotto pa Deporte siendo e tabata den funcion como Presidente di e Fundacion e tempo aya y ta ricibiendo un

vergoeding. Locual a cay den masha mal tera den Parlamento tabata na momento cu Minister di Deporte a
presenta e suma cu Destefano Wernet a cobra den apenas 9 luna di trabao. Un total di Afl. 218.000 (218 mil)
florin. Den e mesun aña Lotto a paga un otro compania profesional di accountancy Afl. 150 mil pa haci e

mesun trabao, incluso a paga 2 empleado den Lotto placa adicional banda di nan salario pa haci parti di e
mesun trabao. Locual ta pasando den Lotto no ta normal.

Actonan di sinberguensa
Davinda Da Souza, un abogado casa di ex parlamentario di AVP Desiree Croes tambe ta den bestuur di Lotto

pa mas di 8 aña y ta permiti algo asina tuma lugar? Tur e miembronan di Bestuur ta na altura y tempo lo
mustra cu nan lo mester carga nan responsabilidad. Por compronde cu muy probablemente Destefano a cobra
den un luna 2 biaha rond di Afl. 8000 pa mesun trabao. Awor por compronde pakico e Bestuur aki no kier a

baha y bay cas. Un professor Kunneman a cambia e Statuut despues di eleccion pa tene e minister nobo
buitenspel. Pagando Afl. 218 mil na e Presidente awe e Director Destefano Wernet, kende alaves ta cobrando
su vergoeding mensual, ta un acto di sinberguensa pero di marca mayor.

Republica di banana

Minister a mustra den Parlamento con Destefano mes ta traha un invoice pa su trabao, Destefano mes ta traha e
cheque, Destefano mes ta firma e cheque, Destefano mes ta firma pa ricibi e cheque y segun professor
Kunneman esaki ta masha normal y ta cumpli cu bon gobernacion. Professor Kunneman ta bon pa traha na un

REPUBLICA di BANANA. Parlamentario Endy Croes na final di su disertacion a nombra nomber di tur e
miembronan di Bestuur un pa un y a splica cu e kier pa esaki keda graba den e sistema den parlamento y tambe
skirbi den dicho notulennan di parlamento di Aruba como muestra y cu e bestuur di Lotto nombra pa AVP a
destrosa y “horta” nos deportistanan di nan soño. Mesun momento Endy Croes a entrega un mocion den
Parlamento instruyendo gobierno den nomber di e instancia mas halto di Aruba esta Parlamento di Aruba pa

exigi e miembronan di bestuur di Lotto y su Director pa entrega nan retiro. E bala ta lorando.