Page 16 - AM220916

Comunidad AWEMainta Diabierna, 16 September 2022

Anochi di Poesia a conoce otro temporada exitoso

iaranson anochi tabatin den
D Café Chaos e ultimo edicion pa
e temporada 2022 di Anochi di Poe-
sia of Poetry Night, manera e ta mas

conoci. Adicional na e obranan liter-
ario cu un y tur ta disfruta, e even-
to a rindi tambe un homenahe pos-
tumo.

Basha Foundation, como organisado
di Poetry Night, ta sumamente satis-
fecho cu e manera con e temporada
2022 a transcuri; uno den cual por

a reanuda e encuentro artistico di
forma fisico. Hopi ta e poeta, decla-
mado y publico di tur edad y origen
cu a bini hunto na diferente luga

tanto pariba, como pabou di brug.

Poetry Night ta un esfuerso cu
ta fomenta un laso mas estrecho

den comunidad, ademas di brinda
un plataforma hopi necesario pa
esunnan cu kier presenta y expresa
nan opinion riba asuntonan social,

idea of emocion a traves di e arte cu
ta palabra skirbi y recita.
E ultimo edicion aki di Poetry Night
tabata marca pa un momento hopi

special y emocional caminda e grupo
a rindi un tributo na e memoria di
Charlene Loopstok, un fiel partic-
ipante di e evento y un figura hopi

stima. Charlene a fayece algun dia
atras cu apenas 31 aña, lagando
atras hopi recuerdo y experiencia
bunita cerca tur cu a comparti cu ne.

Un danki grandi y di curason ta na su
luga pa Prins Bernhard Cultuurfonds
como patrocinado principal di Poetry

Night, mescos cu na Aruba Bank,
Setar y Vibration PR hunto cu tur
individuo cu, di un manera of otro, ta
hacie e anochinan aki posibel.

Si bo ta interesa pa haya mas infor-
macion di Poetry Night, sigui e
cuenta di Basha Foundation riba
plataformanan social y keda pendi-

ente pa dos posibel Pop Up prome
cu fin di aña.

16