Page 33 - MIN VOS_Neat

AWEMainta Dialuna, 7 Augustus 2017 17

Participacion di

Aruba na Festival

Centro Americano y

el Caribe na Panama

E siman aki, dia 9 di Augustus, lo biaha un delegación
di Aruba pa Panama. Nan lo sali for di Aruba cu Copa
Airlines pa 1:11pm di merdia.
Aruba lo participa den un torneo di ahedres pa nos ho-
bennan. Aruba lo ta representa den varios categoría.
Den grupo U-8, Aruba lo ta representa dor di hoben-
cita Sylvi Cabral di 6 anja. (Pa prome biaha Aruba ta
manda un representante den U-8 pa exterior).
Den categoría U-12 Femenino, Aruba lo manda
Lesley Cielo y Samantha Sagastegui. Tur dos a score
masha bon mes e aña aki, den nan categoría.
Den categoría U-14 absoluto, Aruba ta wordo rep-
resenta dor di 4 hungador. Nan ta Ilya Stetsenko,
Ayden Dirks, Ethan Croeze y Kyell-Jean Antonio.
Tur ta hobennan cu den pasado a representa Aruba
den U-12, pero awor a bira mucho mas mihor y ta
participando den U-14.

Y por ultimo Aruba tin den categoría U-16, 2 repre-
sentante. Brian Diaz y Eldrick Donata.
Brian Diaz a participa ya den varios torneo den exte-
rior y tin hopi experiencia, mientras Eldrick Donata
tin algún aña cu no tabata participa, pero awor ta full
den e actividadnan di ahedres atrobe.
Hunto cu nan, lo biaha coach/entrendador Raymundo
Dijkhoff, y como líder di delegación lo biaha Octavio
Croes. Tin varios mayor y famia ta biahando hunto
cu e muchanan. Algun lo sali algún dia prome.
E delegación completo ta 23 persona.

E prome rond lo wordo hunga diahuebs dia 10 di
augustus pa 9:00 di mainta. Y e ultimo rond diamars
dia 15 di augustus.
E delegación lo regresa Aruba dia 16 di augustus. Por
sigui e resultado di e weganan n’e
websi te http:/ / chess-r esults.com /f ed.
aspx?lan=1&fed=PAN.
Nos ta desea e delegación di Aruba tur clase di éxito
aya na Panama.