Page 85 - MIN VOS_Neat

Necesidad di soño ta baha generalmente segun cu edad ta avansa. Hende mas bieu cu frecuencia ta
drumi menos profundo y ta spierta mas lihe. Drumi lmalo un par d anochi no ta perhudicial pa bo
salud. Mayoria di biaha hende cu ta bisa cu nan no ta drumi ta drumi masha bon, pero hopi leve.

Hopi biaha preocupacion y pensa riba tur sorto di cos ta causa problema cu drumimento. E temor cu
bo no por drumi hopi biaha mes ta e causa cu bo no por drumi dushi. Hende depresivo hopi biaha ta
pega soño bon, pero nan ta lanta fo’i soño mucho tempran y nan tin problema pa bolbe pega soño.

Cuido propio: Loke bo mes por haci

No drumi den dia, si, pa via di esei, anochi bo ta drumi menos. Lanta tur dia na e mesun ora, esei ta
yua pa ahustamento di bo ritmo di den dia y di anochi. No uza alcohol como medio pa drumi.

Ta berdad cu bo ta pega soño mas lihe, pero bo ta drumi leve y inkieto y bo ta lanta mas lihe fo’i

soño. Tampoco no bebe cofi net prome cu bo bai drumi. Percura pa bo camber tin bon ventilacion y
pa e no ta ni mucho cayente ni mucho friu. Pero na prome luga: no preocupa bo cu e cantidad di ora
cu bo por bai ta na soño. Bo por tin suficiente cu sorprendetemente poco soño. Preferiblemente no

uza remedi pa drumi. Uza nan unicamente como excepcion. Remedi pa drumi no ta duna soño di
berdad, sino cu nan ta zonza bo y ademas, tin biaha nan por conduci bo na adiccion. Pa algun hende
un cana anochi y/of un glas di lechi ta hopi beneficioso.

Tuma contacto cu bo docter di cas

-Si bo problema cu drumimento cuminsa domina y influencia bo bida diario.