Page 7 - AVP
P. 7
www.awemainta.com WWW.Facebook.com/awemainta noticia@awemainta.com 583 1400 Diasabra, 28 August 2021
Formador a entrega acuerdo di gobernacion
definitivo na Gobernador y reparticion di cartera conoci
Gobernador, Alfonso Boekhoudt ayera
diabierna 27 di augustus a ricibi e acuerdo di
gobernacion firma for di señora Evelyn Wever-
Croes.
Durante di e ultimo simannan, señora Wever-
Croes den su rol como Formador a reuni
regularmente cu Gobernador Boekhoudt p’asina
duna un relato di e progreso y implementacion
di e encargo di formacion.
Aparte di entrega di e acuerdo di gobernacion,
tambe Formador a informa Gobernador
Boekhoudt tocante e reparticion di cartera.
Den e Gabinete nobo, MEP lo haya seis (6)
Minister, esta Minister di Asunto General,
Innovacion, Organisacion Gubernamental,
Infrastructura y Planificacion Teritorial, alabes
Prome-Minister: Minister di Finansa y Cultura:
Minister di Husticia y Asuntonan Social:
Minister di Labor y Integracion: Minister
di Salud Publico y Minister di Enseñansa y
Deporte.
(Potret: © Kabinet Gouverneur Aruba) RAIZ ta haya dos Minister, esta Minister di Asunto
Economico, Comunicacion y Desaroyo Sostenibel y
Minister di Integridad, Naturalesa, Transporte y Cuido di
Grandinan.
Finalmente Formador a haci entrega na Gobernador
tambe di e documentonan den cuadro di screening di e
Ministernan nobo.
Pronto Gobernador lo papia cu Formador tocante e
resultado di e analisisnan. Despues cu e proceso aki finalisa,
lo huramenta e Ministernan.
