Page 12 - Latest

Ministerio di Cultura cu plannan grandi pa digitalisacion y
mantencion di cultura y folkore

Publication: Wednesday, 25 March 2015. Categoria: General

ORANJESTAD (AAN): Den cuadro di e magno celebracion di 18 di maart, Minister Oduber a
indica di ta sumamente contento di mira con proyectonan manera Fetsival Un Canto pa Nos
Himno y Bandera y Resona a moriva y stimula e importancia di e traspaso di cultura y folkore na
e generacion nobo.

E aña aki a pone hopi enfoke riba e importancia pa presenrva loke ta di nos y pa asina aki yega
na e generacion di nos hobennan.

Ta di aplaudi cu nos dia nacional a worde celebra 2 siman largo, inicando cu e festival di nos
canto pa himno y bandera, unda aki nos hobennan a resalta y a carga loke ta nos folkore.

Pa ambos tanto e festival como proyecto Resona, a enfoca hopi pa motiva hobennan pa participa
y asina conoce mas y honra Aruba su folklore y den e forma aki traspasa esakinan.

Den cuadro di e vision aki Minister Oduber a splica cu a bin cu e proyecto exitoso Resona unda a
entrega e proyecto na pueblo di Aruba pa por mantene loke ta di nos. Buscando instrumento con
pa inculga den nos hobennan e interes pa nos cultura, interes pa folklore conhuntamente cu
educacion na schoolnan.

Awor ta bay cuminsa cu otro protyecto importante unda lo percura pa digitalisa aspectonan di
nos historia y asina aki yega na e schoolnan tambe

Mirando ci Resona ta yegando na final, Minister di Cultura abisa cu lo sigui cu proyecto nan
despues di resona cu ta motivanos hobennan pa sinja mas di cultura y folkore?

E mandatario aindica cu lo tin un gran inversionnan ta bay worde haci pa digitalisacion di
folkore y cultura, pa cual ya caba tin esaki presupuesta destina pa por logra logra e meta aki
tambe. E meta principal di e proyecto aki ta pa por pone e material aki disponibel muy en
particularmente pa ensenjansa. Intencion ta pa haci di esakinan marial pa lesnan, unda muchy
hobennan por haya sinja di unda nos ta bin y di nos antepasadonan.

Ta hopi importante pa nos educanan e futuro generacion riba nos historia pa asina nan por
compronde cu e mundo cu nos ta biba den dje awor aki ta bin door di hendenan cu a traha duru
pa nos base y pa asina nan compronde paaprecia y mantene loke ta di nos.

http://www.diario.aw/2015/03/ministerio-di-cultura-cu-plannan-grandi-pa-digitalisacion-y-mantencion-
di-cultura-y-folkore/