Page 24 - UTILITIES

Trabaonan riba Green Corridor ta andando bon

Tuesday, 13 June 2017 19:45
Comparti

Actualmente tin hopi trabao ta andando. Awor aki ta bezig ta finalisa na Augustus. Tin diferente parti cu
ta tumando luga.

Tin na Mahuma ainda, parti di e brug ta bezig cun’e, parti di e rotonde tambe ta drechando algun detaye.
Bayendo mas ariba tin trabaonan ta andando na e fietspad banda di Sero Tijshi. Tambe ta bezig cu e parti
di luznan ta wordo poni na banda di caminda.
Segun Michael Vrolijk, project manager di Green Corridor, trabaonan ta andando pa conecta e dos
camindanan hunto na e brug y sigui bay mas ariba tin trabao andando. Awor aki ta bezig na e rotonde na
Pos Chikito tambe. Alabes ta informa pueblo cu otro siman dialuna ta bay tin un desviacion di trafico,
unda cu tin cu bay cera e parti principal di caminda pa asina haci e conexion di e caminda riba e rotonde.
Anuncionan lo wordo saca den prensa riba e desviacionnan.

Na e brug di Pos Chikito, pa esnan cu ta crusa caminda, tambe ta bezig riba dje. Tin mas trabao ta wordo
desplega riba e ruta na Savaneta, Zeewijk y e camindanan alterno.

Con constante

Vrolijk a splica cu actualmente ta sintando un biaha pa siman cu e contratista, pa pasa riba e planesnan y
e trabaonan cu tin cu tuma luga ainda. Ta bezig hunto cu nan y hunto cu polis tambe pa loke ta trafico, pa
loke ta e desviacionnan cu ta tuma luga.

Mey mey di e dos camindanan

Actualmente, gran parti entre Mahuma, Sero Tijshi y Kibaima, e di dos parti a wordo asfalta. E parti di e
brug falta y despues e trafico lo desvia via Pos Chikito y falta e caminda existente pa haya un recap nobo.

Separacion
Lo bay haci un separacion di e dos camindanan aki pa evita cu hende ta crusa, of autonan lo crusa. Lo bay
tin un desviacion. Actualmente ta poni na e parti di Mahuma, pa bay aeropuerto, tabata tin un parti di
santo cu lo bay evita cu auto por crusa di banda pa banda.

Satisfecho
Vrolijk ta satisfecho, aunke falta algun detaye chikito pa tene cuenta cun’e, pero e ta bayendo bon.