Page 18 - AWEMAINTA-edition-1905

Diahuebs 19 di Mei 2022

Real Madrid ta duna Kylian

Mbappe 50 miyon euro pa aña

Rond mundo tin crisis financiero caminda e aumento di inflacion
di hopi pais, ta creando problemanan serio den pueblo, caminda
pobresa ta sigui crece dilanti di un peliger vigente di scarsedad di
cuminda.
Sinembargo den e mundo di futbol profesional, a parce cu doñonan
di ekiponan grandi na Europa, no tin problema pa gasta miyones
den contract cu hungadonan renombra manera Real Madrid y Man-
chester City ta haciendo.

Aparentemente, ya cu ainda no tin un participacion oficial, Kylian
Mbappe di Paris St Germain ora cu su contracto termina aki dos
luna, lo firma cu Real Madrid den loke lo bay bira e contract di mas
grandi den historia di futbol.

Segun varios publicacion den e dianan aki, Mbappe lo ricibi de
inmediato, un suma di 100 miyon euro pa e pone su firma bou di e
contract cu Real Madrid y e lo bay gana pa aña, e suma di 50 miyon
euro.

Fuera di e placa grandi aki, e hoben delantero Frances lo ricibi casi
10 miyon pa firma cu algun compania di marca grandi di sapato di
bala, mientras cu tin otro productonan cu kier usa su imagen pa pro-
move nan productonan, caminda ta calcula cu Mbappe lo bay ricibi
un suma anual di casi 20 miyon adicional pa su promocion comercial
di productonan.

Otro locura kisas mas grandi cu di Mbappe, ta e acuerdo entre Erling

Boston Red Sox su pitcheo ta totalmente fatal

Diamars anochi un biaha mas a keda demostra di con e ekipo di
Xander Bogaerts, esta Boston Red Sox, ta na 13 wega tras di e lider
New York Yankees. Nan ta fatal den su pitcheo y dor di esaki, e tem-
porada aki ya ta mustra perdi.

E miho pitcher di Boston ultimo dos temporada, esta Nathan Eoval-
di, tabata e pitcher contra di Houston Astros y den prome entrada
Nathan a permiti un solo careda.
Den di dos entrada e fanaticada den stadion di Boston a wordo si-
lencia ora cu Houston ta conecta no uno ni dos pero un total di cin-
co homerun contra di Eovaldi prome cu el a wordo releva pa Tyler
Danish cu tampoco a drenta bon.
Pa ora cu manager di Boston a baha Eovaldi, ya caba Houston a
anota 9 careda y despues a sigui fiesta contra di e relevista Danish
anotando 4 careda mas.
Esunnan cu a conecta home run den di dos entrada contra Eovaldi
tabata Yordan Alvarez, uli Gurriel, Kyle Tucker, Jeremy Peña y Mi-
chael Brantley y e score final a bira 13-4 pa e ekipo di Astros.
Xander Bogaerts den e wega aki a bay di 3-0 y a ricibi un boleto.
18