Page 23 - AWE MAINTA

AWEMainta Diaranson, 12 April 2017 23

E resultadonan final ta conoci

Octavio Croes ta titula Maestro Nacional den
e segundo Campeonato Nacional di Ahedres

DEN e weekend cu a pasa, e ultimo 4 rondnan di nos

segundo edición di Campeonato Nacional di Ahedres
di Aruba a tuma luga. E weekend anterior, e prome 5
rondnan a wordo hunga. E miho 10 hungadonan di
Aruba a wordo selecciona. Y durante 2 fin di siman nan a
bataya cu otro pa saca e Campeon Nacional di e aña aki.

Aña pasa, esaki a bay pa Mark Bueno cu actualmente
ta studiando na Hulanda. E aña aki, e titulo di Maestro
Nacional a bay pa Candidate Master Octavio Croes.
Octavio a score un total di 7.5 punto for di 9 partido.
Na segundo luga a termina nos hoben prometedor Can-
didate Master Jomar Benschop. Jomar a score 7 punto
for di 9 partido. Y e tercer luga a bay pa e hungador mas
hoben den e campeonato aki, Brian Diaz. Brian tin 15
aña di edad. El a score un total di 6 punto.
Na di 4 luga tabatin un empate entre nos unico Woman
Fide Master Maria Diaz, Randy Tromp y Candidate
Master Jose Pesqueira. Nan tur 3 a score 5 punto for
di 9 partida.
Como Chief Arbiter pa e Campeonato aki, nos a busca
International Arbiter Ulises Hernandez di Venezuela.