Page 15 - WEB 11NOV,2015

4 Djarason 11 Novèmber 2015

PANEL SOLAR,
AWA CLARO
I MULINA DI

BIENTU

WILLEMSTAD.- E liña
ku gobièrnu a stipulá pa
direkshon di Aqualectra pa
loke ta uso di energia solar
ta enserá ku, Aqualectra ta
fasilitá te kaminda ta posibel
e ekspanshon di energia
solar den nos pais, ya ku
mester tene kuenta ku tin di
preservá stabilidat den e ret
di koriente. Asina Minister
dr. Jose Jardim enkargá ku
e kompania Aqualectra a
duna di konosé relashoná
ku su kontestanan den
Staten riba e proseso di
benta dje kompania di awa
na bòter Claro. T’asina ku
Aqualectra ta hasi uso di
e servisionan di un òf otro
konsultent. Pero tareanan
ku su personal mes por
efektuá, nan lo hasi esei
internamente.

Pa loke ta e parti di
kontròl interno, el a splika
ku e kontròl aki ta algu ku
ta resortá bou di gerensia,
pero tin kontròlnan ku ta ser
hasí i ta rapòrt na hunta di
komisario sin intervenshon
di gerensia di e kompania.
I esaki ta pa garantisá
independensia den e
funshonamentu di hunta di
komisario i gerensia i tambe
e propio departamentu di
kòntròl interno.

Pa loke ta e proyekto
di Mulina di Bientu,
e minister a splika ku
Aqualectra tabata den e
proseso di ampliashon di e
parke di Mulina di Bientu, i
esaki pa por a yega na un
generashon mas haltu di
energia alternativo, pa por
generá i ofresé koriente na
un preis mas barata i usa
ménos energia fosil. Den
kuadro di esaki Aqualectra
a terminá e proseso pa yega
na ampliashon di e ret.