Page 45 - MIN ARENDS

empleadonan, lo bay logra.
De Cuba a agrega cu di parti di STA ta lamenta hopi, ora cu tende cu
sindicalistanan ta bay drumi den scochi di gerencia y ta lubida cu ta nan

miembronan ta esun cu ta sostene nan. Por a mira atrobe cu e mesun
trahadonan di Elmar ta castiga UEA pa e motibo aki tambe. Esaki lo bay pasa

den mas compania na Aruba, pasobra ora ta sindicalista, bo mester ta serio den
bo negociacionnan y mester ta habri cu bo miembronan y no sconde cos,

pasobra na final di cuenta, nan ta bay haya sa y e hendenan ta rabia y nan ta
bandonabo. Esaki ta locual cu a sosode den Elmar tambe. A reuni cu e

trahadonan diahuebs. A eligi tambe e delegadonan y e carta a sali caba cu e
nomber di e delegadonan. Tambe kier un reunion di orientacion lo mas pronto
posibel pasobra sa cu den Elmar tin problema cu protocol cu a wordo firma. Sa

cu nan kier bin cu un herinrichting. Herinrichting ta un otro palabra pa ora bo ta
bay reorganisa un compania. Sa cu e cos aki por bay haci hopi dolor, pasobra

den un reorganisacion, sa cu tin cabesnan ta bay cay y esaki kier evita a toda
costa den Elmar.

Tambe sa cu e fondo di pensioen ta poco swak. Tin di bay wak e asunto aki
tambe. Tambe lo bay elimina e protocol cu tin riba mesa pasobra e no ta

beneficioso pa e trahadonan trampoco.
E herinrichting STA no kier. E no ta bon. Si por duna baangarantie, pero no tin
un functiegarantie, e ora despues di algun tempo, ta duna un pakete pa por

bay. E cosnan aki tin di bay traha duro riba nan. Elmar ta un compania cu ta
genera hopi placa. Segun de Cuba, e bolo mester wordo bon comparti. Tin hopi

hende ta bisa cu e salario di e trahadonan di Elmar ta halto. E salario di e
trahadonan di Elmar mester ta un tiki mas halto. E ta mas husto, pasobra

mirando e situacion na Aruba, ta bisa cu dia tras dia ta mira cu e prijs di
comestibles na Aruba no ta baha, ta subi nan ta keda subi. E trahadonan aki

merece nan fair share for di e compania. Locual cu ta pasando awor aki, ta
ripara cu e compania ta bayendo net den direccion contrario. Ta purba di corta
caminda no tin mester. Ta genera suficiente placa cu bo por duna e trahadonan

mas. Pero a mira den Utilities tambe, tin manera un fiesta chikito ta andando y
e fiesta eynan tin cu caba. Segun de Cuba, tin cu bay duna esnan cu ta traha pa

e compania berdaderamente, nan fair share. Akinan ta caminda cu STA ta bay