Page 30 - AWM 7OCT2017
P. 30
30 AWEMainta Diabierna, 6 October 2017
Den conexion cu celebracion di 3 aña di existencia
Jardin di Primavera cu tremendo show di talento
JARDIN di Primavera ta un club pa mucha y hoben entre 4 cu
16 aña, cu ta reuni tur diasabra entre 3’or y 5’or di atardi na Club
Primavera pa tene e mucha y hobennan bezig riba diasabra.
Ta organisa diferente actividad manera charla, buitendag, show,
lesamento y presentacionnan educativo pa informa e hobennan
riba diferente topico.
Den conexion cu celebracion di e di tres aña di e club, ta organisa
un talent show diabierna dia 6 di october, cuminsando pa 7’or di
anochi na club Primavera.
Lo tin 2 categoria pa presenta: 5 pa 7 aña y 8 pa 12 aña.
Talentonan cu lo presenta ta: baile, canto, magia, DJ, playback y
mas
Durante e ultimo simannan e participantenan a traha duro pa por
presenta un bunita show.
Awor tur cos ta cla pa nan presenta esaki n’e publico.
Bini uno, bini tur pa celebra clausura di vakantie di october. Grandi
y chikito, tur ta bon bini pa presencia e show aki.
Lo tin tickets obtenibel na porta pa tur cu ta desea di presencia e
show aki.
Show ta cuminsa 7’or y tickets ta solamente 10 florin. Dos mucha
bou di 12 aña ta drenta cu un ticket.
Bar y cushina di Club Primavera lo ta bon surti.
Un anochi di baile, canto, DJ, playback, magia, fantasia y hopi mas.
Jardin di Primavera ta wardabo sin falta!
