Page 16 - AM250225
P. 16
16 DEPORTE AWEMainta Diamars, 25 Februari 2025
7th IFK USA International Kyokushin Championship
Tokon Dojo cu tremendo resultado
TOKON Dojo, representando International Federation of
Kyokushin Karate (IFK) Aruba, a hunga un tremendo papel
na e 7th IFK USA International Kyokushin Championship,
cu a tuma luga dia 1 di februari ultimo na Atlantic City, New
Jersey.
Nuebe atleta sumamente dedica y bon prepara a participa
den tanto Kata (forma tradicional) como Kumite (pelea ‘full
contact’). Na final, Tokon Dojo a trece un cantidad impre-
sionante di medaya bek Aruba, confirmando su luga den e
mundo internacional di Kyokushin.
E torneo, cu a trece hunto mas di 200 participante di 49 “E torneo aki tabata un bes mas un test berdadero di dedi-
dojo y 3 diferente pais, tabata un evento altamente compet- cacion y habilidad di nos atletanan, y mi ta sumamente feliz
itivo, unda nos atletanan Arubiano a demostra nan talento, cu nos resultadonan. Pa mira miembronan di nos team para
disciplina, y specialmente nan espirito di combate. riba e podium ey, hunto cu competidonan asina fuerte, ta
un testimonio di nan trabou duro y di e nivel halto di nos
Kyokushin na Tokon Dojo,” Sensei Zairo Ruiz, head coach y
instructor principal di Tokon Dojo, a declara.
E 7th IFK USA International Kyokushin Championship a
atrae algun di e miho atletanan di Kyokushin for di USA, y e
resultado impresionante di Tokon Dojo ta refleha e compro-
miso di e dojo pa excelencia y crecemento di e disciplina di
Kyokushin Karate na Aruba.
ARTBO ta felicita e studiantenan
cu a pasa nan Kukkiwon
Black Belt Promotion Test
CUATER studiante di Chaco Taekwondo Academy y Estrella
Taekwondo Center a ricibi nan certificadonan di Black Belt/
Poom.
Nos ta orguyoso di Sebastian Pulgarin (2nd Dan), Nicole
Tromp (2nd Dan), Sophia Roos (1st Dan) y Amylee Melo (2nd
Poom). Un danki na Grand Master Melvin Rasmijn, Master
Yoshmar Wever, Master Miguel Genser y Master Norberto
Tromp pa nan supervision, preparacion y guia pa cu logro
aki.
